宣傳個唱Part 2 古巨基豪請市民搭紅Van

古巨基（基仔）昨日現身灣仔利東街，宣布於4月11及12日在紅館舉行《我們世界巡迴演唱會香港站Part 2》，門票今日公開發售。基仔更搞搞新意思，以20萬元撥作「車費補貼」，今日分時段請市民免費乘搭兩條指定紅Van路綫。

昨日活動現場有大批歌迷圍觀，大會更安排了紅Van，讓古巨基落車出場，別開生面。基仔表示︰「平時多數喺酒店搞記者會，起錶價都要十幾萬，但搞完一場大龍鳳就無咗，既然大家經常搭小巴，索性包咗25架紅Van畀大家（今日）免費乘搭，車入面仲會有歌聽。」兩條由基仔「找數」的小巴路綫分別是上環至荃灣（中午12時至晚上10時）及旺角至大埔（下午3時至凌晨1時）。

邀子華古仔做嘉賓

去年Part 1個唱有黃子華為他打氣，基仔希望大家幫他集氣，請子華神擔任演唱會嘉賓。基仔指上次撞正黃子華為棟篤笑閉關，所以不敢打擾，希望今次可以成事，但目前還未正式開口邀請。至於會否再請「我最喜愛的男歌手」古天樂做嘉賓？基仔說︰「我要多謝佢幫我拍咗個演唱會宣傳片，呼籲大家買飛，上次佢以『五虎』形式出現，再問佢可唔可以個人形式上台唱歌，攞完獎當然要來唱歌喇。」

此外，基仔透露Part 2的歌單和製作都會加入新元素，舞台上也有改動，將通道改闊。因為上次演唱會門票緊張，所以加開幾排位，但基仔經歷過上次的墮台意外，他決定減少一排觀眾席，務求令表演更安全，「經過上次我也會更小心，唔希望再發生意外。」

撰文︰Pauline

編輯：陳禮恒

美術：招潤洪