最近社交媒體興起一陣「10 Years Challenge」Tag熱潮,荷里活明星爭相將自己十年前後對比照上傳到網絡,近幾日呢股風潮都吹到香港,一齊睇下邊個明星最凍齡,邊個走樣走得最勁!
馮盈盈
盈盈10年前得14歲,仲係單純學生妹,不過好多網民睇完相之後狂笑佢中學個樣勁老,眼袋又大又殘,反而女大十八而家變靚咗好多!
譚凱琪
譚凱琪最近唔單止憑「天嬌」一角爆紅,而且十年前後完全無分別,個樣望落去好童顔,真係講岀嚟得廿歲都有人信。
倪晨曦
除咗10年前個眼妝化得仲濃過而家之外,IG女神倪晨曦同譚凱琪一樣都係無乜點變化,真係Keep得勁好,唔怪得佢話自己只係由「小傻妹變成大傻妹」啦!
莊思敏
莊思敏就一下子上傳咗30年前嘅舊照,網民話佢細細個好似男仔。
森美
森美玩嘢咁留言:「唔洗等十年先有改變啦,朝頭早起身梳洗前同梳洗後,十分鐘都夠大分別啦!」
張繼聰
十年時間喺張繼聰身體上產生極大變化,由一個瘦弱嘅排骨仔變成今時今日嘅大隻肌肉型仔,睇得出佢付出咗好多時間同心血鍛練。
仲有佢哋:
何廣沛
林奕匡
{{hket:inline-image name="ssssss.jpg"}}{{/hket:inline-image}}
甄子丹、汪詩詩