陳曉東唔畀囡囡做童星

將於三月開紅館個唱的陳曉東（東東），昨日接受商台訪問時，笑指太太想兩個女兒做童星，但他坦言不想女兒過早入行。

陳曉東目前留港籌備演唱會，與身在北京的妻女分隔兩地，幸好她們稍後會來港過年。目前「獨守空房」的東東相當掛念妻女︰「我一個孤零零叫外賣，係食得落肚嗰啲呀！」提到兩個女兒早前在東東的個唱上表演，東東笑言沒想到囡囡深受歡迎︰「囡囡上次喺澳門演出都無怯場。」會否讓女兒入行？他笑說︰「太太日日諗蹺推佢哋去火海，諗點樣打敗其他童星，但我唔想咁快，始終都想佢哋保留童真，唔想佢哋太早有優越感，同埋成為焦點。」

另外，提到與商台DJ余迪偉撞樣，東東搞笑說︰「叫迪偉一齊合照吖！佢呢排靚仔咗好多，瘦咗fit咗，你哋咁樣讚我，搵好多人話似我。以前有人話我似黎明，一時又似梁詠琪、黎諾懿。話我似其他人都好，代表我形象入屋。」

撰文︰Pauline

編輯︰李潔盈

美術︰招潤洪