癌魔纏身行唔到路 張達明：我係霍金

癌魔堪稱人類最大敵人，它不僅能奪人性命，在治療過程中，更會為病人帶來無盡痛苦，當中張達明就有深刻體會，最近他為新戲《家和萬事驚》接受內地傳媒訪問，講到2011年不幸患上鼻咽癌，體重暴跌30磅，瘦到不似人形，而最慘係唔止無晒工作，2016年達明更同老婆離婚，連頭家都散埋，十足粵語長片大悲劇！

在病情最嚴重之時，達明四肢無力癱在病床，可能一世就咁過，換轉普通人一早崩潰，但達明卻選擇樂觀面對，更笑言做霍金都唔錯：「嗰時佢哋話好快醫好你，話一、兩年就無事，但一、兩年後我都仲有事，行路都行唔郁，情況愈嚟愈差，可能一世都係咁，但我同自己講，我可能係科學家霍金，佢小時候已全身麻痺。我同自己講無問題，只要唔好成日諗，工作無咗，家都無咗，呢個就係我喇？你只要想開啲，無事嘅。」

{{hket:inline-image name="jg.jpg"}}{{/hket:inline-image}}

網上截圖

{{hket:inline-image name="ewew.jpg"}}{{/hket:inline-image}}

網上截圖

{{hket:inline-image name="EW.jpg"}}{{/hket:inline-image}}

網上截圖

抗癌過程太恐怖

雖然口話無事，但原來在拍攝《家和萬事驚》時，達明病情十分嚴重，瘦到連拍檔袁詠儀都喊驚：「嗰時一睇佢個樣就知佢病，真係好擔心。」達明就話當時連筷子都揸唔到：「拍開飯揸筷子嘅戲，我係夾唔到嘢，只可以用叉食。就好似中咗鉑金毒，全身神經線受影響，郁唔到，試過廿幾種治療，都搵唔到一個絕對解決方法。」達明又坦言自己再樂觀都好，抗癌過程實在太恐怖，如果唔係背後有支柱，可能都捱唔住：「好彩我有仔女，如果自己一個人無嘢要承擔，好容易就無！無論再痛都好，諗起仔女都要堅持落去。」在此衷心祝願病魔早日離開達明，讓他開心享受每一天。