公屋有人倒屎，樓下單位慘被淋上污物，本來以為是「掟屎狂徒」，但當《東張西望》攝製隊踩上門實地採訪才知道原來事件源頭是由一名疑似精神病康復者深夜不斷玩敲牆有關。不少居民深受噪音嚴重滋擾，房署又沒有辦法，鄰里間發生衝突，有人才迫不得已淋屎水洩忿，使大家無辜當殃。網民大讚《東張西望》終於做到嘢，而記者李旻芳面對如此狂徒都能夠保守淡定，勇氣可嘉。
公屋倒屎 嘈音狂魔煩足1000日
好玩唔玩，玩屎？在石峽尾白田邨麗水樓有個單位掟屎，樓下慘被淋上污物，外牆弄污、樓內臭氣薰天，令受害住戶要用浴室花灑伸出去，用水沖洗才沒有那麼難受。不過倒屎戶主就為自己申冤，揭發種種事都與32樓的嘈音狂魔有關。半夜三更被嘈音滋擾，好多人都試過，3日都未必忍到，但原來有不少人已經承受足足3年。事源某高層住戶不分晝夜，突如其來發出密集式噪音，樓上樓下、左鄰右里無一倖免，立體聲噪音縈繞不散，被折磨了超過1000日，家無寧日。
(TVB電視截圖)
(TVB電視截圖)
(TVB電視截圖)
白田邨互委會主席Gary正正在噪音單位旁邊，對狂魔行為表示很氣憤，但最後都好無奈，冇晒辦法：「總共7層我喺屋企每一個角落都會聽到佢嘅敲擊聲，敲咗40、50下，停咗15分鐘，或者半個鐘，再敲，敲完再敲。你同佢講，佢會兇返你，姐係佢會講：『我點解有做過啊？我冇做過，你哋屈我！』睇吓邊日好彩，冇噪音，一年365日我諗得5日度啦。」一名不願上鏡的女鄰居與男鄰居都好頭痕：「阿仔都試過發忟憎，上去搵佢對質」、「瞓到2、3點佢就會敲，有時都幾辛苦，可能啱啱瞓著，有幾下好大聲都會成個人嚇到震一震。」
(TVB電視截圖)
房署推卸責任 《東張西望》李旻芳頂硬上
經過李旻芳了解，原來狂魔原本住在另一座，因同一問題被調遷到如今這座，繼續惡行。儘管噪音狂魔行為人神共憤，但3年來房屋署竟然無辦法解決，不敲門勸阻，甚至沒有發出警告及採用公屋扣分制。經調查，夜晚11時後房署職員就不用叩門，要交由警方處理，惟區議員交手多年相關部門都推卸責任。飽受滋擾的居民最後聯絡《東張西望》拍下實況，望主持公道。為了拍低狂魔的罪證，李旻芳由夜晚10點左右已經到達屋邨，捱到凌晨1點多仍繼續做訪問，認真慘情。不僅如此，因為狂魔在大門放置閉路電視監察大堂情況，所以要被迫與受訪者屈就在後樓梯傾談。期間噪音突然響起，李旻芳馬上被嚇怕：「真係好恐怖，咁夜仲嘈緊！」，不知道狂魔會否衝出來。
有住戶嘗試勸喻，但狂魔自稱被醫生打針，疑似有精神問題得不到體諒，樓上住戶更冤冤相報把排洩物拋出窗外，污染環境。為了代居民出頭解決問題，李旻芳唯有大膽拍門直接與倒屎的戶主了解事情。有網民就大讚李旻芳全程表現專業，反而怕她會受到噪音狂魔或倒屎的戶主襲擊：「個記者幾大膽，其實現場好危險，唔知佢哋會做啲咩」、「雖然晚晚比人嘈住好慘，但掟屎落街都有問題，政府又唔做嘢，搞到要搵個女仔去」等。
(TVB電視截圖)
(TVB電視截圖)
(TVB電視截圖)
(TVB電視截圖)
(TVB電視截圖)
(TVB電視截圖)