超有腦搏見報 吳若希走音玩殘方力申

繼旅遊節目《東京血拼攻略》被網民炮轟於百貨公司失控大笑、講有味低俗笑話兼無視警告亂摸名牌袋失禮香港人，吳若希只係唱隻歌，做返老本行都出事？原來近日《流行經典50年》請來古巨基、方力申、側田、小肥、吳若希等人唱舊歌，本來古巨基帶來《眼睛不能沒眼淚》，還與其他人合唱《年年有今日》炒熱氣氛好哋哋，點知吳若希唱完成名曲《我沒有傷心》之後，竟然在方力申面前大唱他舊愛鄧麗欣的《電燈膽》，仲失準唱到走晒音。

{{hket:inline-image name="11.jpg"}}{{/hket:inline-image}}

(TVB電視截圖)

{{hket:inline-image name="13.jpg"}}{{/hket:inline-image}}

(TVB電視截圖)

{{hket:inline-image name="14.jpg"}}{{/hket:inline-image}}

(TVB電視截圖)

雖然吳若希就解釋此歌是自已最喜愛的歌曲：「係陪伴住我成長嘅其中一首歌，希望大家會鍾意我演釋嘅呢個版本！」，但仍被網民炮轟無腦、博見報：「佢咁做等同係婚禮唱失戀歌、係葬禮唱生日歌，一定係仇家」、「點解唔夠膽唱？咁先有新聞價值，你睇有幾多人討論就知佢又成功咗」、「為咗博出位，可以去到幾癲？」、「聽舊愛歌已經慘，聽走音版更加慘上加慘」等等。

其實又難怪網民咁陰謀論，事關吳若希搶無點已經不是第一日的事。論人氣、論聲勢，吳若希貴為「星夢一姐」有成間公司撐已夠強大，不過每次她總會因為講錯嘢、做錯事而上新聞。從菊梓喬獲TVB台慶頒獎禮「最受歡迎電視歌曲」後，吳若希留言:「恭喜你呀一姐！」，被指說話有骨；到上次菊梓喬於TVB《十大勁歌金曲頒獎禮2018》首奪最受歡迎女歌星獎即瘋狂大笑，被指有心取笑師妹，引來一眾網民圍插，吳若希總會搶盡焦點。當時她已經於facebook高調回應：「所有嘢，我都係特登諗過先講嘅，亦都唔覺得得罪人。如有得罪，純屬你小器，我會繼續講我覺得應該講嘅嘢，多謝！」今次面對好受歡迎的古巨基，為免被其光芒埋沒，吳若希亦堅持要在方力申面前唱《電燈膽》，睇嚟真係有諗過先唱出嚟。

{{hket:inline-image name="16.jpg"}}{{/hket:inline-image}}

方力申同鄧麗欣這對可謂金童玉女，愛情長跑足足10年之久，曾經多次傳出婚訊，可是於2016年二人在無第三者介入的情況下突然宣布分手，當時不少粉絲表示傷感之外，引發全城瘋狂洗版討論。今次被吳若希放上枱消費，認真可憐！

{{hket:inline-image name="15.jpg"}}{{/hket:inline-image}}

(TVB電視截圖)