黃智雯抱病開工中「A性」病毒 即時入院見血過程曝光

做藝人要捱更抵夜拍節目，身體難免承受不住，一向做事力求完美的黃智雯Mandy早前就因為替TVB拍攝真人騷《一個因去跳舞》太辛苦，結果捱到病要在韓國即時入院！TVB本來只安排她休息一天，不過病得太嚴重，所以Mandy才主動要求打針治療：「話說製作組用心良苦，決定cancel一天行程，比俾我休息吓，諗住會好返，誰不知病情進展到一咳不可收拾，一跳就咳，所以我主動舉手要睇醫生，打枝針快點好。#打點滴奇遇記」

Mandy琴晚在Facebook公開入院片段，一開始醫生確診是A性病毒，Mandy聽到即嚇到瞪大雙眼兼用手掩口，以為自己病毒中咗「Aids 愛滋病」，口震震好擔心咁問：「A性病毒係咩吖？」，之後工作人員幫忙解釋是A形病毒—流感而已，Mandy即時鬆了一口氣。不過患上流感始終容易傳播，初初只會出現發燒、咳嗽、喉嚨痛、流鼻水、肌肉痛、疲倦和頭痛等徵狀，如果一直不理會，可能會出現支氣管炎或肺炎等嚴重併發症，甚至死亡，所以Mandy點都要打針。

{{hket:inline-image name="13.jpg"}}{{/hket:inline-image}}

(黃智雯fb截圖)

{{hket:inline-image name="15.jpg"}}{{/hket:inline-image}}

(黃智雯fb截圖)

{{hket:inline-image name="14.jpg"}}{{/hket:inline-image}}

(黃智雯fb截圖)

唔講唔知Mandy原來好驚打針，當醫生準備抽血時她已經驚到臉容扭曲，呼吸急速，聲都變埋：「你（工作人員）同我講嘢先啦...我好驚啊...」雖然抽血期間醫生已經不斷出言安慰，讚她美過不少韓國女星，睇得出是無整容的天然樣想轉移視線，可是Mandy的憂慮沒有減少，仲驚到眼濕濕：「我唔係要你讚我靚啊，你（醫生）專心望住個窿（血管打針位）先啦大佬！」望住手掌咁大支針筒抽足一個月周期性血量，Mandy不禁倒抽一口涼氣，索性閉眼接受現實。事後Mandy好正能量咁話自己無事，甚至第一時間擔心因病而影響排舞。

{{hket:inline-image name="18.jpg"}}{{/hket:inline-image}}

(黃智雯fb截圖)

{{hket:inline-image name="112.jpg"}}{{/hket:inline-image}}

(黃智雯fb截圖)

{{hket:inline-image name="19.jpg"}}{{/hket:inline-image}}

(黃智雯fb截圖)

{{hket:inline-image name="20.jpg"}}{{/hket:inline-image}}

(黃智雯fb截圖)

今次Mandy為拍節目在15日的韓國之旅真的搏到盡，對比起其他年僅10多歲的同學仔，她以36歲之齡要做練習生挑戰女團出道，首先年紀已經相差一大截，體力也相對比下去，過程特別辛苦。此外Mandy身為演員拍劇拍得多，但跳K-pop就零經驗，搞到未出場前已經要花時間同精力自學韓文、跳舞。即使她每天進行12小時拍攝工作後，依然堅持返學校進行地獄式跳舞特訓，希望做到最好，非常敬業。捱到第6、7日Mandy身體始終捱壞咗，一跳舞就狂咳，咳到肺都甩兼失聲好嚴重，最終要入院。網民都大讚她很專業：「有勇氣抵撐！」、「智雯就算病到咁都好有正能量，愈來愈鍾意佢」。現在Mandy身體沒有大礙，大家以放心！