【聲明】港生活網站並無進行電話推廣活動

讚星爺仁慈 農夫作反︰講惡無人可同Do姐媲美

發佈時間: 2019/01/24

周星馳自編自導賀歲電影《新喜劇之王》,繼邀得黃金組合「柳飄飄」張栢芝配音後,日前又請來農夫的C君和陸永聲演戲中角色。配音期間,農夫面對出名嚴厲的星爺,竟然擺Do姐鄭裕玲上枱:「講惡係無人類可以同Do姐媲美到」;有網民叮囑農夫小心Do姐拿摺凳教訓他們,亦有人對他們能與星爺合作表示驚喜。

農夫和Do姐在2012年首次合作主持遊戲節目《700萬人的數字》,當時Do姐經常狂窒農夫,做下靶的農夫則既要奉承又要串嘴,擦出不少火花,讓觀眾捧腹大笑。之後三人再主持《Do姐去Shopping》及《Do姐有問題》時繼續妙語連珠,笑料百出,Do姐可說是一手提攜農夫成功「入屋」。

不過,他們日前為星爺的《新喜劇之王》電影配音時,卻竟然大膽揶揄Do姐。提到農夫過往多次與做事嚴謹的Do姐合作,而今次面對同樣出名嚴厲的星爺,兩人笑說︰「講惡係無人類可以同Do姐媲美到,星爺都無鬧過我哋,其實他對我哋太仁慈善良喇。」又大讚星爺循循善誘,為他們示範︰「同一句都可以有好大分別,賺咗好多經驗。」事後,有網民對農夫又向Do姐「抽水」表示十分搞笑,「小心Do姐扭耳仔」,有人則形容農夫能與星爺合作十分幸運,「星爺教配音,擺明入錢落你袋」。

向星爺討飯盒

事實上,農夫充滿喜劇的細胞被星爺看上,但他們卻自嘲︰「其實因為我哋收得夠平,又無嘢撈,夠晒得閒。」農夫一見到星爺就問︰「有無飯盒食?」星爺回覆︰「無!」陸永即說︰「無飯盒唔緊要㗎,我唔食飯都得!」大家你一言我一語後,星爺補充︰「佢哋啲喜劇元素係不斷爆發,佢哋係平靚正。」農夫請星爺贈兩句如何成為「喜劇之王」?星爺回應︰「好難㗎喎,用兩句就未必得,起碼要多啲時間。」三人幽默風趣,不斷擦出火花。

撰文︰Pat

協力︰Carol

編輯︰黃寶恩

美術︰梁政敏