將軍澳被棄貓咪獲愛心男飛的收養 即晚入屋超幸運！

每日的被棄動物不計其數，有些失去「家人」後便成了浪浪，幸運的也許會因此尋得新主人。兩日前(29/1)，將軍澳單車館外的被棄貓咪，竟即晚入屋找到一位愛心貓奴當新主人，相信牠一定是幸福的後者，柳暗花明又一村！

{{hket:inline-image name="20190131tkocat1.jpg"}}{{/hket:inline-image}}

事發於1月29日晚，有網民於將軍澳Facebook group 內發帖指單車館外有一連籠貓咪，懷疑是棄貓，該網民不便接收貓咪，故立即電致愛護動物協會尋求支援。眾多網民見狀便四出找尋義工或貓奴們，希望先救走貓貓，輾轉之下消息轉到資深貓奴郭先生的耳中。當晚剛下班的郭先生得知事件後，決定直接前往，逐搭的士直奔將軍澳單車館外尋得貓咪，「現場見到貓貓好驚，佢不停嗌，好似叫救命咁！當時樓主和幾位路人都在場，也有一位女士特意駕車前往希望幫助貓咪。」郭先生受訪時指「或者係緣份啦，當時都冇諗太多就決定收養佢，咁啲街坊見我真係有心養都同意俾我收養，我call van 後佢地仲幫手搬上車，立即就帶佢返屋企了。」

{{hket:inline-image name="20190131tkocat2.jpg"}}{{/hket:inline-image}}

原來這位有愛心的郭先生已經不是新手貓奴，曾養過三隻貓咪的他已是近20年年資的資深貓奴，三隻貓貓離世時也是十多歲，最長壽的小豬更是二十多歲時離世，「上年兩隻貓貓相繼離開，其實都好傷心，有一段時間都唔想再養貓，直至上年年尾時女朋友也鼓勵我養返貓，我們有去過愛協和其他貓義工看看領養貓，可惜好像緣分未到，反而今次咁有緣分捉了一隻貓貓。」

{{hket:inline-image name="20190131tkocat3.jpg"}}{{/hket:inline-image}}

郭先生現已為貓咪取名為「奶茶」，他指當晚奶茶回家時十分驚慌，不過也肯被「摸摸」，目測奶茶情況尚算健康 ，頸下皮膚很有彈性，耳仔乾淨，估計約為兩歲大，已約了獸醫星期日為奶茶檢查。

{{hket:inline-image name="20190131tkocat4.jpg"}}{{/hket:inline-image}}

▲郭先生指覺得奶茶的頭跟「呀仔」很相似，而身體就很像「小豬」，故覺得很有緣分。圖為已離世的「小豬」。

至於原主人，有網民在棄貓帖內留言爆料，「尚真樓1-15樓事但一層（棄養），隻貓仲係咁叫，兩個男人周圍望睇下有冇人望住佢兩個！」，另一網民也留言指看到事發經過「 見住兩個男人一齊由尚德過馬路抬過嚟，個心都諗緊唔知係棄貓定領養返緊屋企⋯ 」對於原主人棄貓的做法，郭先生直指「真係希望多啲人關注棄養寵物呢個問題， 對我嚟講，寵物都係我哋屋企嘅一份子，唔希望因為啲乜嘢問題，而要棄養佢哋， 既然養得佢哋就要負上責任，有咩事都會共同進退，絕不會放棄佢哋！」

不少網民大讚郭先生的救貓行動，知道貓咪平安入屋後都紛紛祝福「好彩貓貓遇到好心人！」會棄養的主人絕不是好主人，今次奶茶可說是因禍得福，希望牠跟郭先生能互相扶持，幸福生活下去。

相片及資料由受訪者提供