李施嬅否認介入鄧健泓婚姻

李施嬅日前被周刊拍得借定情狗密會舊愛鄧健泓（Patrick），令「鄧太」石詠莉（Sukie）呷醋，更疑似在社交網申訴。昨日李施嬅和王子涵、陳雅思（Bonnie）等到深水埗宣傳劇集《荷里活有個大老千》，李施嬅大呼冤枉，澄清周刊的照片是在去年拍攝：「狗狗一直由我同Patrick共同撫養，狗狗唔係物件，唔可以因為一段關係變咗就棄養，而且佢太太Sukie也有幫手睇狗，我哋三個係朋友關係，間中都會約食飯。」她對騷擾到鄧健泓的美滿婚姻感到抱歉。

另外，李施嬅在劇中用15秒做21個姣爆甫士，獲網友激讚，她透露動作是親自設計，事前排練很久︰「本來以為自己做唔到姣婆角色，對白係有啲尷尬，但好開心播出後有觀眾讚賞。」同場的陳雅思日前被指流出性愛短片，她澄清自己絕非片中女生，笑言心情未受影響：「一睇就知片中人唔係我，而且我一定唔會拍呢啲片，女仔都要識得保護自己。」