靠老婆借錢買婚戒 秦沛：佢嫁畀個窮小子

最近TVB《荷里活有個大老千》正在熱播，圈中著名老戲骨秦沛亦有參演，佢係劇中飾演嘅龐峰為人重情，為親人不惜一切向鄭則仕復仇，而現實入面嘅秦沛都係一個有情有義嘅好男人，仲有一個絕世好老婆，真係羨煞旁人！

{{hket:inline-image name="q934p191p9oo4n49n8s68r45pp153402.jpg"}}{{/hket:inline-image}}

(Tvb螢幕截圖)

秦沛對前妻有情有義

講起秦沛，大家都只會諗起佢擅演奸角同演戲經驗豐富，對佢感情生活鮮有了解。其實秦沛有過兩段婚姻，第一任太太梁盛子係中日混血兒，育有姜文杰同姜麗文一對仔女，可惜秦沛同前妻因文化差異，以及各自忙於工作，聚少離多，最後遺憾離婚收場。不過秦沛係一個愛錫仔女，亦善待前妻嘅好男人，就算離婚都自願比大部分資產前妻作為補償，又成功爭取到撫養權做單身湊仔公，一個男人帶大對仔女，真係好唔容易！

{{hket:inline-image name="__20160919182822579514_popup.jpg"}}{{/hket:inline-image}}

(前妻梁盛子)

願意跟秦沛捱窮

雖然經歷婚姻失敗，但秦沛對愛情依然好有憧憬，呢個時候現任妻子森下繪梨就出現咗，係秦沛經濟最困難嘅時候都願意嫁比佢：「佢（森下繪梨）斗零都放棄晒，嫁畀個窮小子，我嗰時冇乜錢，訂婚戒指都唔夠錢買，要問佢借，個度都好多錢㗎，成十幾萬，因為粒鑽石幾大粒㗎嘛。之後我咪慢慢還番比佢，拍完一部戲都還咗好大部分錢，而家還晒㗎啦！」

{{hket:inline-image name="paul.jpg"}}{{/hket:inline-image}}

同繼子繼女相處融洽

秦沛老婆森下繪梨唔單止願意同佢捱窮，而且同秦沛前妻所生嘅仔女都相處得好融洽，令秦沛好欣慰：「佢細我七歲，但成熟過我好多，將我兩個仔女教到大學畢業。我仔女聽佢錫佢多過我，我阿媽、所有親友個個知。」除此之外，秦沛仲透露得太太先治到佢嘅牛脾氣，又會幫佢理財，係個好好嘅賢內助：「佢好叻，搞得掂我啲臭脾氣，話我聽應該點處理，又會幫我投資，管理啲錢銀。」

{{hket:inline-image name="2p360002s442940074n8.jpg"}}{{/hket:inline-image}}

秦沛化身「愛妻號」

做演員難免要到處飛嚟飛去拍戲，秦沛以前最怕到大陸拍劇，因為好辛苦，佢形容自己好似「太空人」咁，唔知幾時先番到地球。不過自從有咗太太森下繪梨，秦沛就好享受到處拍劇，因為太太會陪住佢，佢仲讚太太係人肉GPS，又好識照顧人：「佢好叻㗎，坐巴士去杭州西湖又識，去上海都好犀利，好似坐9號線去徐家匯，佢全部都知。」有個咁好嘅太太，唔怪得秦沛而家化身「愛妻號」，成日想痴住老婆啦，仲sweet爆同老婆講：「你要健康啲呀，要一路照顧我！」

{{hket:inline-image name="j.png"}}{{/hket:inline-image}}