過年解悶精選 必煲五大經典賀歲片

每逢農曆新年到長輩屋企拜年，電視機必定長開，播番以往經典嘅賀歲電影，其實好多都係80、90年代嘅港產片，個段時間絕對係港產電影嘅光輝歲月，一齊回顧番幾套經典賀歲電影啦！

《家有囍事》
數經典賀歲片點可以無周星馳！星爺呢套《家有囍事》卡士超勁，結集咗哥哥張國榮、黃百鳴、張曼玉及吳君如等巨星，絕對係一個時代嘅經典！《家有囍事》無厘頭，經典場面多不勝數，例如星爺個爆笑病名「無定向喪心病狂間歇性全身機能失調症」，仲有吳君如係戲入面麻甩師奶look都令人記憶非常深刻。

{{hket:inline-image name="j.jpg"}}{{/hket:inline-image}}

{{hket:inline-image name="u.jpg"}}{{/hket:inline-image}}

《八星報喜》
《八星報喜》結集咗周潤發、黃百鳴、張學友、鍾楚紅、鄭裕玲、袁潔瑩等大明星，因此非常受歡迎，並成為咗年度票房冠軍。最令觀眾印象深刻係杜琪峰惡搞《英雄本色》，係《八星報喜》重現「鈔票點煙」經典片段。

{{hket:inline-image name="201412151551416631_420x600.jpg"}}{{/hket:inline-image}}

{{hket:inline-image name="photo.jpg"}}{{/hket:inline-image}}

《福星高照》
洪金寶、成龍加埋元彪，絕對係豪華動作片陣容，搭配埋詼諧幽默嘅故事劇情，令呢部《福星高照》獲得了不錯的票房成績，成為香港史上第一部突破三千萬票房嘅電影！《福星高照》作為功夫喜劇，最特別係加入咗靚女警司「霸王花」胡慧中一角，洪金寶、成龍同元彪係打功夫之余仲不忘對霸王花大獻殷勤，為得到美女垂青而各出奇招，算係另類功夫喜劇呀！

{{hket:inline-image name="t01ba4348448d65e4eb.jpg"}}{{/hket:inline-image}}

《富貴逼人》
1987年出品嘅《富貴逼人》，描寫80年代升斗市民嘅生活，驃叔與肥姐飾演香港典型夫妻引起唔少香港人嘅共鳴，佢哋住公屋，終日希望發橫財，雖然中了六合彩頭獎，但往往無緣領取獎金，故事笑中有淚，難怪當年呢套電影嘅票房大收呀！

{{hket:inline-image name="888888.jpg"}}{{/hket:inline-image}}

《射鵰英雄傳之東成西就》
呢套電影演員陣容鼎盛，包括張國榮、梁朝偉、張學友、林青霞、張曼玉，而家想重現呢個組合，都勁有難度呀！要數電影最經典一定係梁朝偉自毀形象，個嗰超厚臘腸嘴造型，今時今日仍然有唔少人記住，一講起歐陽峰，就會諗起梁朝偉！

{{hket:inline-image name="j.png"}}{{/hket:inline-image}}