靠張國榮做和事佬 張曼玉即刻收火變乖

新年到，周星馳執導的賀歲片《新喜劇之王》就快上映，不過唔少網民都話既然冇星爺親身上陣，寧願重溫下曾一度打破香港票房紀錄，經典賀歲片之一的《家有囍事》好過。講起上嚟，當年1992年套《家有囍事》曾經爆過一段小秘聞，原來套戲可以咁順利全靠張國榮！話說導演高志森話張曼玉是一個很有個性的藝人，曾經發生過幾次插曲，都要靠哥哥這粒定心丸擺平。

高志森繼續爆料指，有場戲要周星馳拿著一個尿壺，喝完一口「尿」之後就噴向張曼玉的臉，怎料張曼玉突然間拒絕，很大反應地說：「唔得啊，我唔俾佢噴，點解要俾佢噴啊？」幸而最後分成2個鏡頭，周星馳先將「尿」噴向鏡頭，之後下個鏡頭就張曼玉入鏡，扮被噴到，成功解決。不過第2場戲就沒有這麼順利，本來拍攝一場卡拉OK戲預計由凌晨12點開工拍到翌日10點，怎料張曼玉到場就指自己僅有少少時間拍攝，想早點離開：「導演，我聽日要返香港剪綵，5點鐘要走。」偏偏她又與周星馳不斷NG，讓她不禁頻頻對周星馳發脾氣：「預備呀，周星馳，導演話我要早走，集中啲啦周星馳，唔好害我呀……」。最後哥哥出頭只是講了一句：「咁樣唔係幾好啊」，張曼玉就馬上閉咀，聽了哥哥的勸喻，乖乖完成這場戲。之後哥哥主動跟高志森說，以後有張曼玉的戲份，他都會在場看著，讓這套戲順利拍下去。

{{hket:inline-image name="13.jpg"}}{{/hket:inline-image}}

{{hket:inline-image name="11.jpg"}}{{/hket:inline-image}}

{{hket:inline-image name="19.jpg"}}{{/hket:inline-image}}

雖然哥哥逝世已16年，不過他在演藝圈不只留下出色的歌唱及戲劇成就，溫暖貼心又仗義的性格也讓圈內好友與粉絲終生難忘。件事充份展現哥哥張國榮生前身為巨星的風範，好多網民都大讚哥哥好厲害，從中睇得出他散發出來的光輝：「哥哥性格好，人人都尊重佢」、「應該係friend，再加有啲敬意先會咁聽話」、「哥哥真係好用心留意佢身邊嘅人，亦唔介意成日自己行多步，等人哋感覺舒服」等。除此之外，此事亦反映張曼玉與哥哥的感情超好。他們相識多年，互相欣賞，哥哥覺得張曼玉是個「好正」的女人，若早點相識不排除會追求她，而她亦說過：「我亦覺得Leslie好靚好靚，我哋唔係成日見，但一見面就有好多偈傾，佢次次都叫我『死婆』。」

{{hket:inline-image name="14.jpg"}}{{/hket:inline-image}}

{{hket:inline-image name="18.jpg"}}{{/hket:inline-image}}

{{hket:inline-image name="15.jpg"}}{{/hket:inline-image}}