祝各位人日快樂！農曆新年未完，今個星期四又迎來情人節了，喜上加喜。大時大節不想與人群相迫，又想和伴侶慶祝？不妨到以下小店。先吃個高質拖羅飯，再去歎火焰法式甜薄餅；新年吃滯了，又可以到純素西餐廳來個浪漫晚餐。飯後到中環海濱的燈光藝術展打卡合照，今個情人節行程豐富。
1.$88 海龍皇【真心Zen】
店子名字甚有玩味，「真心」與「Zen」合併在一起，取其諧音「真心正」。老闆本身做飲食批發零售生意，專門入口日本高級食材及世界各地的酒類，如北海道的帶子和海膽、吞拿魚腩等。餐廳沿用母公司的食材，魚生全部來自日本最新海產市場豊洲市場，用料有保證。店內的綠茶、wasabi、醬油等，也全是日本貨。壽司飯亦專選日本秋田米，取其黏性高，米香味重。
「老闆佢哋諗，既然有啲咁靚嘅食材，點解唔自己開間餐廳，做啲有創意嘅日本菜呢？」店長梁小姐說。店內食物款式的確不像傳統壽司店，像海龍皇，面層灑上薯片，醬汁則配一般卷物不會用的芝麻醬，配搭新奇。「最特別係我哋嘅味素飯，當地好常見，配魚生食好有層次。」加上店舖進口的幾十款上等酒品，情人節又多個選擇，不用只吃西餐鋸扒了。
真心Zen
地址：中環蘇豪士丹頓街21號地舖
電話：6999 6434
營業時間：星期一，12nn-3pm、星期二至四及日，12nn-10pm（9pm截單）、星期五及六，12nn-11pm（10pm截單）
2.$78 火焰香蕉薄餅【Springfields】
吃完正餐，情人節當然要來個甜品，甜甜蜜蜜。這間小店位置相當「隱世」，在大街上只看見窄長的門口，入內後走下樓梯才別有洞天。店內用餐區寬敞，座位不多坐得十分鬆動，適合想避開人潮、靜靜享受二人世界的情侶。「叫Springfields，就係想畀人喺春天田野、happy garden嘅感覺，係一個簡單而開心嘅地方。」主廚說。
店舖老闆是法國人，經常香港、法國兩邊走，店內呈現的也是最法式的味道。「我哋呢度想賣最經典、最classic嘅crepes，同法國一模一樣，帶嗰邊嘅味道畀香港人。」這裏的薄餅分鹹、甜兩大款，款式甚多，最特別是鹹薄餅的餅底，用上蕎麥做，不但是由法國進口，更是guten-free，絕對是健康之選。今個情人節一於試試他們的savory galettes和sweet crepes，來點法式浪漫。
Springfields
地址：中環擺花街11號地舖
電話：2367 5055
營業時間：星期一至日，12nn-10pm
3.$118 洋薏米藜麥燉飯【POP vegan】
新年吃得太多年糕、蘿蔔糕，情人節想吃清新一些的「大餐」？可以來個素菜西餐。店子的定位是純素（Vegan），食物沒有任何動物成分，例如以植物奶代替牛奶、純素芝士取代一般芝士，菜式亦不含五辛，包括蔥、大蒜、洋蔥等。餐牌中西餐佔大多數，另有泰式冬蔭功湯、港式椒鹽豆腐等，選擇豐富。老闆Gordon有感很多本地的素食者都不吃五辛，餐廳的安排，能滿足大部分素人需要，食得放心。早已開設素食超市的Gordon，因希望客人能「Chill住」食素而開餐廳︰「我覺得只要食物美味、環境舒服，餐廳比超市更易吸引人食素。我們沒用餐時限、不設最低消費，希望大家吃得自在。」
POP vegan
地址：中環蘇豪伊利近街28號1樓
電話：2628 6211
營業時間：星期一至日，12nn-11pm
撰文︰王寶欣
攝影（部分）︰林良明
插畫︰何樂
編輯︰余運慶
美術︰梁政敏