吳業坤街市拍個唱海報

相隔兩年多，吳業坤（坤哥）將於今年四月再踏紅館，舉行《吳業坤小句號演唱會2019》。問為何演唱會叫「小句號」，坤哥解釋︰「今年係入行第九年，明年踏入30歲，強烈感覺到開始踏入人生另一個階段，不論在音樂、演藝事業上都應該邁向新方向，需要好好裝備自己再重新出發，上年開始已努力健身，操fit身段、體能，又重拾書包學日文，仲去考日文試。」而「小句號」代表30歲前完成一個章節，畫上一個小句號。

今次演唱會海報以香港地道街市及電車路作背景，去到街市拍攝時，坤哥除吸引大班年輕人圍觀及打氣外，更成為「師奶殺手」，不少太太們埋身要求合照，還稱讚坤哥「你真人靚過上鏡喎」、「原來你咁高」、「你真人瘦好多」，令他哭笑不得。