帶囡囡跟太嫲拜年 祖藍四代同堂最開心

王祖藍自導自演的賀歲片《你咪理，我愛你！》上映以來票房達700多萬，成績中規中矩。祖藍昨午偕老婆李亞男，聯同吳祉默、梁嘉琪到油麻地一間小食店，向市民派發梳乎厘，預祝情人節甜甜蜜蜜。

近日天氣轉涼，李亞男沒有帶囡囡Gabrielle到場，她表示新春期間多數在家打麻將及招呼親友。問她可有發新年財？她表示打和，純粹大夥兒湊熱鬧，但很多親友喜歡跟Gabrielle玩。此外，他們帶女兒跟太嫲拜年，老人家見到BB女笑逐顏開，四代同堂感覺最開心。

祖藍剛由新加坡登台返港，很多粉絲都有派利市給他的女兒，那豈不是收到很多利市？祖藍鬼馬笑稱︰「同票房差唔多啦！（你部戲收700幾萬喎！）我意思係指場次。」此外，亞男說已把利市放在BB床邊當壓歲錢，並且笑問祖藍︰「我嗰封畀咗啦，你未畀咩？」

二人世界遊日本

情人節將至，祖藍和亞男已準備出發去日本慶祝結婚四周年，他坦言會唔捨得留在屋企的囡囡。亞男懷孕時一直忍口唔敢食魚生，她今次終於可以吃個夠。至於Shopping，祖藍即抵死笑言︰「日本尺碼唔啱佢，淨係啱矮人，佢呢啲高人要去歐洲先買到衫。」最後，亞男甜絲絲表示會買新衫給兩個Baby，就是老公和女兒。

採訪：Pauline

編輯：陳禮恒

美術：招潤洪