近日龔慈恩就好罕有地上載15歲囝囝林卓毅Addison的濕身近照，雖然只有側面，但已經見到鼻樑好高。除咗靚仔之外，身形亦好高挑，身高目測已過米8的他早期曾經加入學校欖球隊，仲擅長拉小提琴、吹色士風，甚至曾在粵語朗誦奪得冠軍。除咗囝囝讀書、運動、音樂、朗誦瓣瓣掂之外，18歲的囡囡林愷鈴Ashley都不惹少。首先她遺傳到媽媽龔慈恩的美人基因，激似韓妹的外表已經迷倒不少人，有「最索星二代」美譽。最厲害是她十項全能，如今已經出道成為藝人兼模特兒，instagram粉絲高達2萬2，平均每張相都有2千幾、3千個讚好，人氣有望超越媽媽當年。可以教到一對仔女如此厲害，媽媽龔慈恩自有一套方法！
獲封最索兼最強星二代 18歲林愷鈴內外兼備
1999年，龔慈恩與台灣男藝人林煒在加拿大多倫多結婚，誕下一對仔女。Ashley盡得父母優質基因，有著天生的標致美貌和星味，第一眼還以為吳佩慈或韓國女團少女時代的允兒，加上身高173cm，被網民激讚為「最索星二代」。所以未入行前Ashley在instagram已吸納不少粉絲，去到18歲更加正式簽約杜琪峰旗下，成為藝人及模特兒，有傳劉德華、古天樂等uncle準備提攜，大有機會成電影圈矚目新星。如今Ashley正在上位，曾飛到西雅圖拍微電影，更走訪本地以至外國時尚活動，以充滿個性的外表瞬間成為時裝界新寵兒。Ashley上鏡機會愈來愈多，她本人亦坦言沒有愈來愈喜歡這一行，後悔跟隨媽媽步伐：「唔單純係為咗名利，係慢慢鍾意演藝呢年事，我對娛樂圈係日久生情。我接job前會問過媽咪先，係對媽咪嘅尊重嚟，要俾佢知道我做緊啲咩。」雖然工作上好忙碌，不過Ashley其實仍然是位大學生，接Job之餘也不想影響學業，唯有一邊繼續忙上學，一邊兼顧娛樂圈密密麻麻的工作。
做明星只靠樣係唔得，所以Ashley用才華洋溢的自己作為例子告訴大家，她正正是做明星的材料。Ashley 自小已經很喜歡音樂，閒時也會自己寫歌、唱歌，她8歲就已考獲6級鋼琴資格、8級聲樂資格，慢慢再學會拉小提琴、吹長笛、劍術、騎術，曾在校際音樂節聲樂獨唱奪冠，長大後就讀本港傳統名校──聖保羅男女中學，簡直是琴棋書畫樣樣精。最後Ashley還兼顧到讀書，於國際預科文憑（IB）考獲41分高分（滿分是45分），終於成功入讀香港大學建築系，學業成績十分理想。所以對於自己獲封做最索兼最強星二代，Ashley最多謝媽媽龔慈恩的教導，早前曾在台上爆喊：「我知道媽咪好鍾意表演，但佢都為咗我放棄演藝事業，我真係好感激，好多謝媽咪為咗我而放棄工作，我覺得好感動，媽咪真係好錫我......我都要封利是俾佢，要孝敬下佢哋，答謝佢哋養到我咁大個。」
龔慈恩大爆教女三大法
如果翻看她們母女之前的報道，都會知道龔慈恩是個好媽媽兼嚴母，不會給予太大壓力，所以才能教出一對品學兼優的仔女。第一，龔慈恩並非怪獸家長，Ashley中三時成績試過退步，但龔慈恩反而叫她出外玩，放鬆一下，不要只埋頭讀書。第二，龔慈恩和他們的相處如朋友一樣：「小朋友大個要自己空間同時間，我拍劇演戲又可以同佢哋多啲話題，我哋咩都傾。」第三，龔慈恩覺得機會是留給有準備的人，所以她常常身教Ashley，叫她即使感到辛苦也不要輕言放棄：「現階段佢係吸收、準備時期，要盡量學多啲嘢開闊眼界。如果為咗20年後可以開心，今日就要辛苦啲，犧牲你認為依家比較開心嘅事、做啲唔係咁開心嘅事，但日後將會成為好好嘅回憶同收穫。好似我當年返大陸長白山拍《雪山飛狐》，過程好辛苦，但學到好多嘢。」