就到情人節，TVB新節目《1+1+1》終於首播，主持車婉婉近日被人翻出舊事，原來前幾年她曾被相士狠批終生孤獨命格，幸而如今人定勝天，有個靚仔中澳混血老公Jonathon同囝囝BBQ相伴，度過幸福人生。第一集兩公婆罕有地回想起相識經過，互讚對方的可愛之處。可惜自BB來了，車婉婉對待老公不如過往，不禁慨嘆含淚，好在老公溫柔又明事理，最後不但體諒她，更大讚她是110分太太，以驚喜表演答謝愛妻，認真好男人！
車婉婉含淚坦言搞到老公心理不平衡
成功以43歲高齡身份順產，誕下混血囝囝，車婉婉開心到不得了，終日與囝囝玩、合照放上instagram同大家分享這份喜悅。可是卻忽略了最重要的老公，車婉婉眼濕濕地坦言自己生仔後對老公差咗：「兩個人嘅關係本來好簡單，突然有個人出嚟將個focus攞走咗，我真係focus晒喺bb度，我應該係冇咗focus喺我老公度，所以佢心理、生理都好唔平衡。我終於明點解啲人話開頭生咗小朋友之後兩公婆好容易嗌交，或者好多問題會浮現出嚟，我喺呢方面可能平衡得唔係幾好。」雖然如此，但Jonathon都好體諒：「我好明白，因為媽媽要照顧bb仔，老公要明白呢樣嘢。Good job!Not easy」
(TVB電視截圖)
(TVB電視截圖)
混血老公3招收服女強人
拍拖到結婚，數數手指車婉婉同老公Jonathon已經一起8年，究竟他有甚麼魔力，可以讓這位女強人成功被收服？2010年，Jonathon與朋友飲完酒，行出街見到車婉婉，突然成個人伏在她身上足足一整晚，結果兩個人交換電話號碼。車婉婉講返起都不禁甜笑，好明顯對Jonathon突如其來的新鮮舉動嗒晒糖：「我哋呢啲上世紀嘅歌手好檢點嘅，好少同啱啱識嘅男仔痴到咁埋...對呢個男仔都好有感覺。」原來他們的愛情是從如此戲劇的故事慢慢開展。
(TVB電視截圖)
(TVB電視截圖)
1. 講嘢搞笑
其實Jonathon的確幾好，初時只在車婉婉口中知道他是個坦白、簡單直接的男人，勁到有能力改變到車婉婉的愛情觀，令對方再度相信愛情，陷入情網之中，但睇到他們的互動才深深感受到Jonathon把口有幾厲害。原來他不但鼓勵車婉婉，讓她有動力再次重拾唱歌、拍劇的夢想，講嘢仲好風趣幽默。車婉婉介紹他Jonathon本來是位游泳好手，曾屢破香港自由式紀錄──前香港游泳代表隊隊員的李啟淦是其教練，即使現在已退下火線轉做教練，仍因教人而學會不少中文。於是車婉婉叫他講吓自己最熟邊一句中文，點知他好搞笑地講咗句廣告對白：「中國的五糧液，世界的五糧液...」、「恭喜發財，身體健康，贏多啲錢」，氹到車婉婉笑不攏口。
(TVB電視截圖)
2. 成日讚老婆
除此之外Jonathon亦好口甜舌滑，讚車婉婉沖涼唱歌最好聽。當車婉婉重提自己為病倒的他宰了一條魚煮粥時，Jonathon即刻好真誠咁讚她是110分的老婆：「我老婆好勤力，對屋企好認真，好識照顧人，好感動，好窩心，好有心，好識做人。」，讚到車婉婉開心到升天。
(TVB電視截圖)
3. 識得下廚
最後Jonathon甚至是個入得廚房，出得廳堂的好男人，平時會自己同工人主動去街市講價買餸。雖然節目裡面搞錯咗豬肉同牛肉檔，不過一樣可以成功買到所需要的食材，甚至因為外國人樣大受檔主歡迎，買餸送棵蔥，難怪車婉婉放心去追夢，交個家俾Jonathon照顧啦！
(TVB電視截圖)
(TVB電視截圖)