汪明荃與《倚天》老友敘舊 大晒合照破不和傳聞

日前，汪明荃（阿姐）同一班老友飯敘，仲喺社交網站上載咗張大合照，其中有黃淑儀同趙雅芝。呢個組合，不禁令人諗起《倚天屠龍記》。仲有網民話如果李司棋都喺度，四大花旦就人齊。不過，講起四大花旦，當年真係鬥到難分難解，成日傳出不和。

{{hket:inline-image name="111111.jpg"}}{{/hket:inline-image}}

汪明荃IG

當年有指黃淑儀同阿姐拍攝《書劍恩仇錄》時，阿姐唔小心刺傷黃淑儀額頭，搞到爭啲毀容，自此就有傳二人為爭做女主角而不和。另外，又有傳阿姐同趙雅芝為爭風頭做一姐，搞到面左左，二人自從拍完《倚天屠龍記》同《楚留香》後，30幾年嚟都無再合作過。去到2015年，因為王晶先至再合作拍《風雲天地》。點知又因為啲拍攝效果問題，雙方再次傳出不和。「鬥」足咁多年，大家冇反目成仇，仲相約敘舊，真係難得呀！