【聲明】港生活網站並無進行電話推廣活動

捐利市錢分享愛心 助基層兒童增學習機會

發佈時間: 2019/02/13

新春期間大家都會收到唔少利市,大家有無諗過只要將利市捐出,就可以幫到唔少貧窮兒童。黛安知道,浸信會愛群社會服務處轄下其中一個開飯服務「童心飯堂」,舉辦「利市“童”分享」捐贈計劃,呼籲大家捐出利市錢,將愛心化為行動,支持「童心飯堂」運作。

公關姊妹同黛安講,「童心飯堂」分別位處於筲箕灣、油麻地、荃灣,係香港、九龍同新界最多劏房戶嘅地區,6年來「童心飯堂」已累積幫助超過950個家庭,除咗為基層兒童提供溫飽外,仲有功課輔導,減輕小童嘅功課壓力;亦培養小童正確態度面對逆境,加強他們向上流動機會,減少跨代貧窮。其中一名來自單親家庭嘅小欣(化名),經社工鼓勵參加不同課外活動後,慢慢增強信心,由不與人交流傾偈,學會與人溝通。黛安都要身體力行,叫埋其他好姊妹一齊捐出利市錢,幫助香港未來嘅主人翁。

撰文: 黛安 消息特靈八卦公關
欄名: 八卦名利場