阿Sa余香凝同菲籍女星爭影后

蔡卓妍（阿Sa）憑新片《非分熟女》第三次角逐影后，今次有突破性裸背演出的她表示︰「多謝有份投票畀呢個角色嘅所有評委，我覺得入圍已經係好大鼓舞。嘩！五個提名咋喎，已經係一個好大嘅肯定，好叻㗎喇。攞獎就隨緣，我覺得觀眾鍾意套戲係最緊要，多謝大家。」

余香凝憑《非同凡響》角逐影后，同時又憑《逆流大叔》入圍最佳女配角，她坦言難以置信，心情仍未平復，余香凝稱：「我好慶幸有得拍，成日覺得就算唔揀我都可以有好多選擇。其實入圍已經當贏咗，我唔會有心去爭獎，有太多前輩、太多好演員，我只想演到老，演到演唔到為止，為香港電影出盡一生人嘅力。」

菲律賓女星Crisel Consunji同時憑《淪落人》角逐影后及最佳新演員，她收到消息後趁機呼籲：「感謝導演陳小娟透過電影，去關注菲律賓傭工在香港所面對嘅問題！」

至於內地女星曾美慧孜憑《三夫》入圍，她亦感謝陳果導演給予機會，「我會好好珍惜呢個機會，不斷學習、不斷進步。」