古天樂行善一向低調

上屆影帝影后古天樂、毛舜筠，昨日負責揭曉候選名單。古仔去年擔任「金像同行」大使，為香港罕見疾病聯盟籌款，古仔說︰「希望藉金像獎令大家關注罕有病患者，佢哋用嘅藥都好貴，要畀多啲支持。」有報道指古仔捐兩億幫父母積福，在內地興建第104間學校幫助貧童，古仔表示關於慈善的事不回應了，他卻說︰「至於同阿爸飲茶就比較少，因為我成家好似撞聾，阿爸講嘢好大聲，細個時阿爸好鍾意將電視開到好大聲，雖然佢有戴助聽器，但到酒樓依然大聲講嘢，佢係好節儉嘅人，比較鍾意喺屋企食。」

有份在首輪投票的毛舜筠，她表示睇好黃秋生奪影帝，毛毛說︰「秋生演得特別出色，令我又喊又笑，三個字：『無得輸』。女仔比較平均，我當然睇好同公司嘅惠英紅。」