老公堅持生虎B 苟芸慧做媽媽要等三年

去年與錫礦大王後人陸漢洋結婚的苟芸慧（苟姑娘），今年首度以陸太身份派利市，並與丈夫共度婚後首個情人節。苟姑娘的好姊妹都做了媽媽，不過陸漢洋堅持要生虎B，愛小孩子的苟姑娘亦順從老公意願，多等三年才做媽媽。

苟姑娘昨日到中環出席化粧品牌活動，農曆年後第一日開工的她急不及待大派利市，苟姑娘亦在過年前相約幾位女性朋友一齊逛花市。問她今年用了幾多錢封利市？她說不清楚，因為由老公負責，她只是派就可以了。問到會否計劃生個豬BB？苟姑娘表示，老公喜歡虎BB，所以未來三年都是過二人世界︰「雖然我好鍾意小朋友，不過呢方面我會順從老公意願，佢好堅持第一個BB最好屬虎。」

情人節全日服侍老公

適逢情人節，苟姑娘還派鮮花和祝大家甜甜蜜蜜。問她怎樣度過佳節？她坦言本來想與契仔一齊慶祝，奈何太多契仔契女，最後決定過二人世界，她甜絲絲表示︰「今年以陸太身份同陸生一齊過，感覺又唔同，二人世界又會sweet啲。」問到買甚麼禮物送給老公？她笑言︰「全程服侍佢！」正當大家想入非非之際，她就說︰「我會由早餐開始照顧周到，呢一日佢乜都唔使做，總之佢想要乜、要我做乜都無問題。（情人節唔係應該你大晒嗎？）所以要做不一樣嘅嘢！」她希望令老公過一個特別的情人節。

採訪︰Pauline

編輯：黃卉彤

美術：梁政敏