容祖兒鍾情單眼皮男生

容祖兒昨日到商台宣傳新歌《一種永遠》，該曲亦是其六月個唱的序幕曲。祖兒最近與Big Bang成員勝利合唱新歌《pretty crazy》，勝利更以廣東話及英文唱出，祖兒大讚對方是語言天才。既然與勝利咁夾，可有發展機會？祖兒肯定表示︰「唔會，快啲叫佢介紹太陽畀我識。（鍾意韓仔？）鍾意，我最鍾意單眼皮。」

另外，談到日前霍汶希睇好祖兒於兩、三年內結婚生仔，還認定她的BB必定頭大，所以建議她剖腹生B，祖兒聞言後笑謂︰「你問佢係咪幫我陀呀！佢都黐綫，簡直集合蘇民峰同婦科醫生於一身，佢搞到我今日唔係2月14，係7月14呀。」至於會否接受閃婚？祖兒坦言現今很多情侶都是一見鍾情，閃婚絕不出奇。