14歲兒童22日被198人侵犯 梁靖琪哭崩承諾幫助受害者

梁靖琪Toby與圈外男朋友Jon拍拖雖然只有年多，不過自從認識對方之後就改變好大，熱心投入慈善工作。提起男朋友，Toby就大讚對方一向好有善心，平日拍拖都會帶她去做義工，甚至她連同多位教友加入國際慈善團體AIM（Agape International Missions），希望可以聚集多人力量幫到世界各地活於水熱火熱的貧苦大眾。近日她與男朋友為團體舉辦的座談會做分享，講述上年到柬埔寨探訪一個星期的經歷，還邀請到藝人朋友鍾麗淇及鄭敬基夫婦到場支持。

由於該行印象仍然非常深刻，當Toby回想起曾經被賣到妓寨的兒童，忍不住一度哭崩說不下去。當時Toby同一班教會朋友一齊到訪位於柬埔寨的安全屋，裡面住滿了剛被救出的雛妓，Toby跟她們唱歌、玩遊戲、塗漆外牆。其中有位女童身世可憐，年僅14歲就被親生媽媽賣到酒店接嫖客，之後更被輾轉轉賣到妓寨正式做雛妓。期間女童明明已經成功逃跑到慈善機構求助，可惜在22日內竟然被196人個人強姦：「佢喺酒店陪同一個客人3日，冇價值出返嚟，喺等待救助嘅22日內，佢總共被198人強姦，代表平均每天被9個人施暴。我知道當地父母見到如果係女仔出世就會好開心，因為他們覺得個女可以拎嚟賣，我聽過有些兩歲小朋友會被父母賣初夜。」之前聽過有啲2歲嘅小朋友被父母賣初夜，今次見到安全屋入面最細嘅小妹妹只得3歲，覺得好心痛。 」雖然兒童性交易是極嚴重的罪行，不過在發展中國家柬埔寨，當地父母認為仔女是他們的財產，所以賣去做老婆、被迫做雛妓去賺錢這種事情很常見。

▼罪犯與受害者

{{hket:inline-image name="11.jpg"}}{{/hket:inline-image}}

{{hket:inline-image name="13.jpg"}}{{/hket:inline-image}}

{{hket:inline-image name="14.jpg"}}{{/hket:inline-image}}

▼不少兒童被賣，部份如果反抗更慘被毆打

{{hket:inline-image name="16.jpg"}}{{/hket:inline-image}}

最後Toby呼籲各界要積極解決兒童性罪行，並承諾自己將會於今年10月再度飛抵當地進行探訪活動，用行動喚醒大家關注，同時期望以借生命影響生命，以兩人力量讓這些悲慘的兒童重過新生：「其實我哋去過不同地方，今次係最有意義嘅一次，因為可以學到好多嘢。親眼睇到小朋友嘅經歷之後，我哋兩個都好想做更多，俾多啲愛佢哋。今年會幫AIM搞大型籌款活動，到時一定會叫多些圈中朋友撐，希望雙雙為小朋友盡一份力，改變小朋友嘅未來。」鄭敬基聽完對她非常佩服，更指會幫手為AIM做宣傳工作，還打算游說認識的製衣廠商在柬埔寨設廠，為這群兒童帶來就業機會；而同是「七魔女」的鍾麗淇則會幫助捐錢。

{{hket:inline-image name="12.jpg"}}{{/hket:inline-image}}

{{hket:inline-image name="15.jpg"}}{{/hket:inline-image}}