《愛．回家之開心速遞》好受香港人歡迎，特別如今TVB由夜晚7時到11時50分的黃金檔期總共5套劇，當中有3套都是大陸出品，包括《獨孤天下》、《皓鑭傳》、《如懿傳》，令成批觀眾更加集中支持《愛回家》。近日有網民於討論區搞《愛回家》女神選舉，以正評為票數，看看哪個女角色最得大家喜歡。原本網民將選舉年齡限制在40歲以下，又舉出一大班樣靚身材正的90後女神，如Bonnie (林凱恩飾演）、Venus (鄺潔楹飾演），怎料她們竟然獲得極少票，結果反而由清潔姐姐群姐（許思敏飾演）大熱奪冠，共有1872票。而亞、季、殿軍的勝出者也很意料之外，分別是由熊若水 (呂慧儀飾演）、池美麗 (鍾凱琪飾演）、食屎陳師奶（飾演）勝出！其實群姐以前好勁，入行31年曾經兩度拍過三級片，如今可以擊敗後生女一點都不出奇。
捱足30年曾兩度演三級片 群姐：盡所能做到最好
《愛回家》裡面其實群姐的演出幾搞笑，她迷戀歐陽波比（即歐陽震華），又曾與舅父KC（歐瑞偉飾演）「有路」，被大小姐（林淑敏飾演）狂鬧，不少觀眾對她的背景都好有興趣。其實飾演群姐的演員許思敏入行已有31年，是教育電視（ETV）出身，當時恰巧欠缺演員，許思敏唯有補上。本來一直做開「御用媽媽」，後來在80年末90年代初，港片市道興旺，許思敏在朋友介紹下加入電影圈，首套戲就是1988年的《雞同鴨講》，最高峰曾一年參演4、5套電影。不過講到最令人震驚的作品，一定要數到《人肉叉燒包》及《屯門色魔》這兩套三級片，原來許思敏都有份演出！
1993年的《人肉叉燒包》裡面，許思敏被黃秋生胸襲及肢解；至於1994年《屯門色魔》直頭被李家聲封口姦殺，許思敏就話有得出鏡做甚麼角色都不介意：「我好緊張，但就盡所能做到最好...其實都係拍戲啫，我係個演員，三級片沒所謂，好多都係借位，我覺得又無乜嘢。」已經擁有3個仔、4個孫的許思敏又的確冇講大話，她為人好知足常樂，就算之後轉去電視台拍劇集，出鏡率反而低咗，大多演沒名沒姓的茄哩啡，如闊太、三姑六婆、隔籬鄰居等角色都很滿足：「自己都係師奶，做返自己冇壓力，做戲乜角色都有，師奶咪師奶囉。我好享受依家份工，我唔做嘢唔得，自己好好彩做到鍾意嘅工作，又兒孫滿堂，有幸福家庭，3個仔成家立室，事業有成，除拍電視劇外仲還可以做粵曲表演，我好滿意現狀。」
《愛回家》女神選舉頭10位勝出名單 逐個睇網民點品評
第1位：群姐（許思敏飾演）1872票
「群姐正呀，我由細睇到大」、「睇《愛回家》係就係為咗睇佢」
第2位：熊若水 (呂慧儀飾演）1139票
「如果對腳我覺得熊若水略勝一籌」、「巔峰時期嘅長腳蟹好正」
第3位：池美麗 (鍾凱琪飾演）668票
「佢之前義教日文嚟救被遺棄貓貓，勁好人」
第4位：食屎陳師奶（孫慧蓮飾演）659票
「陳師奶個樣同講野語氣好有喜劇feel」、「每次出場都有笑位」
第5位：馬美娜 (何綺雲飾演）656票
「呢個見過真人堅靚同埋好nice」
第6位：垃圾清 (周梓盈飾演）374票
「好有女朋友feel」
第7位：細龍太Jenny（陳偉琪飾演）227票
「身材正到」、「身為女人我好鍾意Jenny」
第8位：大妹 (滕麗名飾演）201票
「呢個年紀保養得幾好」
第9位：大小姐（林淑敏飾演）168票
網民：「大小姐好X正喎」、「大小姐個樣係越望越靚個啲嚟」
第10位：Bonnie (林凱恩飾演）162票
網民：「本身都覺得Bonnie無乜特別，但係由佢同安仔一齊之後就GFable咗好多」