陳瀅着婚紗宣布「喜事」

陳瀅昨日偕羅蘭及胡楓出席酒樓開幕活動，身穿婚紗亮相的陳瀅，揚言想在35歲前結婚生仔，今年29歲的她亦一直被外婆催婚。陳瀅說︰「婆婆好想見到我開枝散葉，但唔急得，要啱timing。（陳家樂同羅天宇邊位適合？）全部人都唔係，我依家單身，亦無追求者。」

不過，剛由加拿大探望外婆返港的陳瀅，笑言有喜事宣布︰「啱啱喺加拿大買咗間獨立屋，首期幾十萬加幣，係我第一次置業，亦還咗外婆一個心願，所以值得慶祝。」