近日愈來愈多網紅接連出事！繼火雞姐丁可欣被網民爆料指她曾連群結隊地欺凌中學同學、偷竊他人財物，借錢不還等惡行，形象破產之外，如今又有一名90後網紅被網民圍插。事關她就快結婚，怎料酒店錢太貴，似乎超出原本預算，於是WhatsApp打算溫馨提示朋友們俾人情時鬆手啲。結果朋友認為這位新娘子過於功利，紛紛把WhatsApp對話公開，最終在大日子前夕成為眾矢之的。
(非當事人)
網紅要求高出事 朋友反面公開對話
該名待嫁網紅發出的WhatsApp提示列舉幾大要求：第一，指明要收現金而非禮券；第二，不要因為Lunch Buffet而俾少啲人情；第三，人情利是封上要寫上自己大名，以便識別。由於要求太高，這段WhatsApp在網路瘋傳，全篇文章如下：
「咁講會有啲尷尬，希望你唔好介意呀
同埋我叫咗好少人，所有人加埋係 9-10 圍，所以叫得都是我喜歡的。就係咁既嘅，因為聽到有人以為可以唔使比人情，淨係比結婚禮物就得，但以我所知及問過人，去飲係一定比人情亦都有結咗婚嘅人講返收過唔係錢，而係Coupon。為免發生呢啲事件，我溫馨提示大家。另外今次嘅愉景灣酒店 buffet 係好貴的，人頭算的（因為有朋友話以為係 lunch buffet 就平好多）希望大家明白結婚已經要用好多錢，冇理由要我地每位倒貼幾百蚊㗎嘛，同埋人情嘅利是封係要寫低你個名的。」
不少網民睇完都好激氣，形容這位網紅是超級港女、極品新娘，少少錢都同朋友計較妹失禮：「好貴又點？你可以揀屋邨酒樓，你唔揀你既事，關人X事！」、「請飲請飲，擺酒嘅原意係新人請大家食餐飯多謝賓客嘅祝賀，依家搞到好似每位賓客夾錢俾對新人做show咁」、「無咁大個頭就唔好戴咁大頂帽，就咁搞lunch buffet就唔算貴，租埋個教堂就真係貴」等，個個都炮轟網紅說話可恥。
網紅同酒店背景大起底
據悉，網紅搞婚宴的場地是愉景灣酒店，擁有香港唯一的海濱白教堂，對正大海，可以容納120位親友。酒店還會提供一輛充滿歐陸宮廷風的開篷馬車，接載新人去教堂行禮，實現女生當公主的夢想婚禮，所以每年都好受新人歡迎。根據酒店2017年的婚宴價格，如果要搞西式Lunch Buffet，總數為港幣99,880，可供120人食用，平均每人港幣832，包加一服務費。那麼結婚人情應該俾幾多？
其實人情只是一份心意、祝福，一向沒有正式公價，所以新人不應誤以為婚宴可以回本，奉旨要賓客為自己埋單。不過身為賓客，如果怕被如此新人「溫馨提醒」，大可以參考2019年最新人情中位數。根據Moneyhero.com.hk的調查結果顯示，酒店、私人會所依然是高於港幣1000元；酒樓、特色婚宴場地則為港幣800；至於西式、中式午宴原本一般只是港幣600，但由於網紅選擇的酒店是5星級，所以她的朋友如果按公價去準備人情應該是不足以涵蓋他們的酒席價錢，於是網紅就決定提醒大家人情要俾多啲。
(愉景灣酒店截圖)
(Moneyhero.com.hk截圖)
有網民就成功起到疑似涉事網紅的底蘊，原來網紅於instagram頗活躍，平時多飲飲食食，是一名foodie，前年她與姐姐用100萬積蓄一同搞打卡cafe創業，大sell粉紅色少女風，深得90後、00後支持，部份網民就提議網紅可以在cafe搞婚宴，可以慳返不少錢，或者大可學詹瑞文在電影《我要做Model》裡面的金句：「即場拆人情」！
(電影《我要做Model》截圖)