黎姿突然進化 驚變楊怡失散姊妹

47歲嘅黎姿（現名：馬黎珈而）琴日喺香港聯合交易所，為旗下嘅卓珈控股集團有限公司主持轉主板上市儀式，昔日愛美神一出現大家都瘋狂開閃光燈為佢影相。不過唔知係咪太少露面，大家竟然睇唔慣黎姿呢個樣，仲話同楊怡撞晒樣：「純粹衰老塊面應該唔會咁唔自然啦吓話」、「依家唔係話佢老，係話佢怪啊，好似唔識郁咁，表情勁繃緊，好明顯係『美容』過度」、「打太多針，皮膚同肌肉變緊，勁似楊怡」，驚爆變臉疑雲。不過有心水清嘅網民就力撐偶像，話最大問題只係燈光打得唔好，或者相機嘅美顏度數開得太勁，所以先搞到佢咁有塑膠味。

黎姿出生於電影世家，爺爺係香港電影之父黎民偉，嫲嫲係香港第一代電影明星林楚楚、姑媽係著名演員黎宣同黎灼灼、伯父係30年代中國著名童星黎鏗，遺傳咗一家人嘅靚樣，黎姿自小已經眼大大、臉尖尖，係個典型靚女，俾人一種好精靈、叻女嘅形象。佢14歲就入行拍戲，曾經拍過《香港第一凶宅》、《山村老屍》及《制服誘惑2之地下法庭》等三級電影，但因為票房紀錄欠佳，結果淡出螢幕，甚至曾經話過想放棄演藝事業。1990年，19歲嘅黎姿加入TVB，因為佢標致嘅臉孔同豐滿嘅身材，被傳媒稱之為「愛美神」。之後憑劇集《金枝慾孽》中飾演玉瑩奪得「本年度我最喜愛的女主角」，2005年正式成為TVB當紅花旦，同佘詩曼、蔡少芬及宣萱齊名，係好多人心目中嘅女神。點知細佬黎嬰突然遇到嚴重車禍不便於行，愛弟心切嘅黎姿決定喺事業高峰期退出幕前。直至依家佢嫁咗俾商人馬廷強後，繼續幫手打型細佬間醫美集團，仲上埋市，所以今次先俾網民話塊臉愈來愈僵硬，覺得佢想做生招牌。

▼最新近照；2018年；2017年 (由上至下)

{{hket:inline-image name="14.jpg"}}{{/hket:inline-image}}

(黎姿微博)

{{hket:inline-image name="16.jpg"}}{{/hket:inline-image}}

(黎姿微博)

{{hket:inline-image name="11.jpg"}}{{/hket:inline-image}}

(東星娛樂)

{{hket:inline-image name="12.jpg"}}{{/hket:inline-image}}

(東星娛樂)

▼網民聯想力都幾勁

{{hket:inline-image name="15.jpg"}}{{/hket:inline-image}}

▼以前黎姿係咁嘅

{{hket:inline-image name="17.jpg"}}{{/hket:inline-image}}