林曉峰大馬拍戲乘機睇樓

林曉峰（阿Lo）、林德信及邵音音等前晚出席馬來西亞賀歲片《玩轉全家福》首映，在戲中飾演地產經紀的阿Lo，笑言拍攝時趁機睇樓，是否想在大馬置業？他說：「套戲喺大馬成績咁好，希望香港票房都好，如果到時再開續集，我哋可以多啲水腳喺嗰邊買屋。」他透露同片的盧海鵬拍攝時本來十分嚴肅，幸好邵音音不時撩對方傾偈緩和氣氛，邵音音說：「鵬哥話劇組招呼好好，去到邊都叫佢食煙，食到佢依家煙都戒埋。」同場的林德信狂讚大馬劇組非常細心：「上次我拍戲嗰陣要減磅，所以只食烚蛋，今次拍攝再遇同一個劇組，佢哋記得我食烚蛋，所以都準備咗畀我。」