黃宗澤驚變清朝偽娘 揭六大藝人前世今生

前排一打開Instagram、Facebook都見到大家係咁搵返10年前張相同依家嘅自己做對比，潮玩「10 years challenge」。不過睇嚟睇去其實有啲悶，話晒10年時間都幾短，好多人個樣冇乜點變。如果相隔成300年？近日就有網民發現娛樂圈竟然有6個藝人竟然同清朝偽娘成個餅印咁，相似程度仲令人一度懷疑係改圖，究竟係人有相似、前世今生，定係佢哋識得穿越時空呢？

李璨琛

{{hket:inline-image name="13.jpg"}}{{/hket:inline-image}}

黃宗澤

{{hket:inline-image name="11.jpg"}}{{/hket:inline-image}}

▼其實之前Bosco都有扮過女人，係咪仲似呢？

{{hket:inline-image name="15.jpg"}}{{/hket:inline-image}}

周柏豪

{{hket:inline-image name="14.jpg"}}{{/hket:inline-image}}

吳鎮宇

{{hket:inline-image name="18.jpg"}}{{/hket:inline-image}}

梁燿鵬 (Supper Moment成員)

{{hket:inline-image name="19.jpg"}}{{/hket:inline-image}}

黃智賢

{{hket:inline-image name="17.jpg"}}{{/hket:inline-image}}

拆解清朝同性戀之風

講多啲幅相，原來清光緒三十一年（1905年）有一類外貌比較靚嘅男仔會喺胡同相公窯子靠外表勾引客人、用肉體賺錢，叫做「相公」、「兔子」（相等於依家嘅偽娘）。據說由明朝定都北京開始就規定做官唔俾嫖娼，但冇話唔俾搞男人，於是唱戲嘅人都變晒做油頭粉面嘅男仔，佢哋個個大眼尖面，行為舉止好似女人咁，公然為娼，聚集於風月作坊，招攬生意。其實古代中國對於分桃斷袖風氣冇咁強烈排斥，覺得只要娶妻生仔，維護到宗法制度，咁就算包養男寵喺私寓都冇乜嘢，所以去到清朝男色之風極盛，相公好受歡迎，特別係嚟自寧波嘅男仔最得達官貴人鍾意。佢哋會開張枱，邊食酒菜邊睇唱戲。每次台戲完咗，相公卸咗妝就會同啲達官貴人攬攬錫錫，去開房。但佢哋都話自己係追求精神層面上嘅歡愉，色而不淫。

故宮博物院有本《板橋自敘》，其中清朝官員兼插畫家鄭板橋就提到了自己係同性戀，一生養過多個男寵，大部份做官嘅俸祿同賣畫嘅錢都用喺相公上。鄭板橋71歲曾經同48歲嘅清代著名詩人袁枚飲酒，佢話：「今日之衙門，動輒板子伺候，那板子偏又打在桃臀之上。若是姣好少年，豈不將美色全糟蹋了？我要能參與朝廷立法，一定將律例中的笞臀改為笞背，這才不辜負了上天生就的龍陽好色。」，反映當時男色係幾咁盛極一時。

另外清末作者張春帆就喺專寫青樓妓院嘅書《九尾龜》裡面寫過呢個風氣，說：「什麼叫紅相公呢？就是那戲班子裏頭唱戲的戲子。京城裏頭的風氣，一班王公大臣專逛相公，不逛妓女。這些相公也和上海的倌人一樣，可以寫條子叫他的局，可以在他堂子裏頭擺酒。無論再是什麼王侯大老，別人輕易見都見不到的，只要見了這些相公，就說也有，笑也有，好像是自己的同胞兄弟一般，成日成夜的都在相公堂子裏混攪。那窯子裏頭簡直沒有一個人去的，就是難得有一兩個愛逛窯子的人，大家都說他下流脾氣，不是個上等人幹的事情。」不過去到南方妓女傳到8大胡同之後，相公就漸漸被取代，甚至消失。

{{hket:inline-image name="16.jpg"}}{{/hket:inline-image}}