揭張達明患癌生不如死 多得發哥吳鎮宇仗義出手救命

癌魔堪稱香港人疾病頭號殺手，儘管如今已經有化療與標靶藥，但每年依然奪去不少人生命，在治療過程中更會為病人帶來無盡痛苦，當中現年54歲的張達明就有深刻體會。2011年，他不幸確診患上鼻咽癌，雖然經過長達7年抗癌期，現在病情慢慢穩定下來，終於復出。不過張達明近日接受內地傳媒及港台《舊日的足跡》訪問時，講起之前的辛酸，他仍留有餘悸。原來當時張達明生不如死，不但體重暴跌、狂流鼻血、四肢無力行不到路，更加結束與老婆15年的婚姻。人生跌落低谷，他決定一人迎接死亡，竟然自爆曾一度準備身後事。

{{hket:inline-image name="12.jpg"}}{{/hket:inline-image}}

(東星娛樂)

患癌仍堅持演出狂放血 曾一度放棄生存希望

2011年，張達明發現自己經常流鼻血，他坦言初初以為只是乾燥，去到之後情況沒有好轉，所以先睇醫生：「喺喉嚨流落去，啲血經痰吐返出嚟...」去到最後一日在劇院綵排，張達明終於收到醫生報告，證實他已患上第3期鼻咽癌。這個消息對他來說很震撼，亦都晴天霹靂，不過當時為免影響其他演員，他堅持保持笑容繼續做戲，唯有在換戲服時放鼻血。

雖然很辛苦，但張達明好有專業精神：「我哋表演者係為觀眾生存，一定要拋開自己感傷。」結束5場演出之後，正常人知道自己患癌，都會立即上網查看醫治鼻咽癌的方法，不過張達明在抗癌之前，竟然已經想放棄生命：「我查咗喺邊度可以有骨灰龕，我驚我唔夠錢（醫病）」不過最後張達明發現骨灰龕大部份都是不合法，才決心正式面對癌症。

花7年抗癌太恐怖 行不到路兼暴瘦生不如死

7年時間要不斷做化療、電療，張達明體重暴跌30磅，瘦到不似人形，對此他表示：「咁對一個表演者嚟講係一個打擊，光晒頭、好瘦、好醜樣。」在病情最嚴重之時，張達明更加四肢無力癱在病床：「嗰時佢哋話好快醫好你，話1、2年就無事，但1、2年後我都仲有事，行路都行唔郁。」但就算病情十分嚴重，張達明依然不想口停手停，居然死頂參演電影《家和萬事驚》。雖然張達明一頭白髮，滿面皺紋，還要坐輪椅，只是戲中老人家角色的造型，可是拍攝中真的出事，令對手袁詠儀十分擔心！事關張達明電療後肌肉收縮，連揸筷子都做不到：「拍開飯揸筷子嘅戲，我係夾唔到嘢，只可以用叉食。因為手腳麻痺，所以行動有所影響，醫生話我中咗鉑金毒，比平時多63倍，全身神經線郁唔到。試過20幾種治療，都搵唔到一個絕對解決方法。」

{{hket:inline-image name="117.jpg"}}{{/hket:inline-image}}

決心結束15年婚姻 多得發哥吳鎮宇出手救命

最慘不是面對身體的痛苦，而是2016年他決定與結婚15年的老婆離婚。本來老婆何念慈不離不棄一直陪伴張達明接受化療，然而他不想拖累對方：「我哋相識27年，曾分享人生中歡樂時光，亦曾經喺患難中互相扶持同鼓勵，經歷起起跌跌，關係深厚。但我哋對人生嘅詮釋唔同，各有獨特嘅期望，甚至另一種生活。我希望大家會過得好啲，俾對方更多空間去追求人生所想。」

好彩，一班好朋友聽到消息之後紛紛探望他，不讓他孤獨一人面對。特別吳鎮宇、周潤發，猶如救他一命：「我嗰陣冇講俾任何人聽，唔想老友個心好難過。但當雜誌出街，佢哋見到即刻慰問。後來手腳麻痺辛苦啲嗰陣，吳鎮宇非常上心，佢之前教咗我先，點樣站樁運落隻腳度，仲試過密宗嘅斷食治療方法。佢仲帶我睇唔同醫生，氣功治療都有。」而周潤發則陪他在清晨6點半慢跑：「發哥係我嘅偶像，所以佢叫我做咩我就照做，包括喺食早餐嗰陣唔好講嘢...如果自己一個人好容易就捱唔住！」難關終於克服過來，張達明對人生看法也不同：「重病過重拾健康，就等於你無端端中咗六合彩。我依家好多嘢都可以放得低，唔會少少事同人鬧交。健康最重要，有咩好爭？」

{{hket:inline-image name="114.jpg"}}{{/hket:inline-image}}

(《家和萬事驚》電影截圖)

{{hket:inline-image name="113.jpg"}}{{/hket:inline-image}}

(《家和萬事驚》電影截圖)

{{hket:inline-image name="116.jpg"}}{{/hket:inline-image}}

(《家和萬事驚》電影截圖)