陳凱琳開腔回應不坐月傳聞 網民激讚生完肥咗靚勁多

陳凱琳囝囝鄭承悅Rafael由爸爸鄭嘉穎親手剪臍帶，於情人節出世。相隔半個月，日前陳凱琳首度現身出席公開活動，同大家分享做人媽媽的喜悅。一身紅色運動服的她裡面還著上露腰短Tee，身材睇落似乎好快瘦返，但其實懷胎10月，除咗上圍因谷奶變得豐滿、澎湃，連整體身形都肥咗少少。一班網民睇到反而激讚如今生完仔的陳凱琳靚過之前：「依家嘅陳凱琳簡直完美，成個人容光煥發！靚過未生之前」、「依家生完肥返少少，啱啱好」等。陳凱琳知道後大家的讚賞後沒有直接回應，只顧講囝囝：「冇諗咁多，最緊要是BB健康，吸收到足夠嘅營養。望BB個樣，覺得陀足10個月都值得。 至於會唔會追返個就慢慢嚟，要先照顧好BB。」，認真是個好媽媽。

{{hket:inline-image name="16.jpg"}}{{/hket:inline-image}}

(東星娛樂)

{{hket:inline-image name="15.jpg"}}{{/hket:inline-image}}

(東星娛樂)

{{hket:inline-image name="12.jpg"}}{{/hket:inline-image}}

(陳凱琳instagram)

不過有人讚亦有人擔憂，因為陳凱琳未坐完月就急不及待同大家見面，網民都問她是否放棄坐月，怕陳凱琳若不坐月，到老身體會有好多毛病。但有粉絲就認為陳凱琳在加拿大長大，吃肉多過吃菜，身體自然比較強壯，跟隨外國文化冇問題，只要補充好營養同小心飲食，都一樣健康：「唔通喺世界各地唔坐月嘅外國女人個個都有病咩？日本人冇坐月，美國人冇坐月，瑞士都冇坐月！點解人哋自己決定要唔要坐月足30日，都要其他人去決定？」、「我係開刀生，醫生都建議我快啲落床活動，我係有坐月，但其實照沖涼洗頭、做運動，生完1星期就出去玩，1個月唔使已修身。」、「其實喺中國以外都冇其他國家有坐月呢件事，我嘅瑞士朋友生完BB第2星期已經去行山，飲食以補充鈣質和白肉和蔬果攝取為主，重點係佢自己都係一位醫生。」等。

雖然話坐不坐月是看體質，但陳凱琳都有在instagram回應事件，解釋自己出席這個活動只是坐月期間給自己1個小休息，抖抖氣、見個面、報平安，交代囝囝情況就會馬上回家照顧囝囝，而不是全面復工。她又解釋自己有跟足坐月程序，今次出來已得到鄭嘉穎的批准：「佢知道我會好小心，衡量過先出嚟，叫我1、2個鐘就好返屋企，我媽咪就話當出來食個午餐及吸收新鮮空氣。我前2個星期一直留喺屋企瞓瞓食食，淨係擦身，好方便，佢 (鄭嘉穎)會問我要乜，其實個BB大家都有付出，佢亦推晒所有工作陪我坐月。」

{{hket:inline-image name="13.jpg"}}{{/hket:inline-image}}

(陳凱琳instagram)

另外剛升任新手媽媽的她依然很興奮，不斷更新為人母心情。雖然每日凌晨4點仲要照顧囝囝、餵人奶，不過鄭嘉穎平時都會主動幫手沖涼、換片同餵奶。只見囝囝側臉似爸爸鄭嘉穎多過媽媽，好得意！陳凱琳更加地開心表示：「囝囝情人節想約女仔，可以邀請對方倍佢過生日，我覺得好浪漫啊！」咁快就幻想囝囝長大後與女朋友拍拖的日子，這位媽媽果然有仔萬事福。

{{hket:inline-image name="11.jpg"}}{{/hket:inline-image}}

(陳凱琳instagram)

{{hket:inline-image name="14.jpg"}}{{/hket:inline-image}}

(陳凱琳instagram)