杜汶澤去年年中為ViuTV主持的節目《走佬去台灣》大受歡迎，由於阿澤的確曾經因欠債而「走佬」去台灣，當他重回舊地說故事時，令不少人動容，加上部分觀眾用手機APP睇的話，觀眾可以原汁原味聽到阿澤的流利粗口，睇得特別過癮。不過節目出街之後，好多人都嫌太短，好期待有第二輯，今日ViuTV正式宣布第二輯《走佬去馬拉》將於4月29日正式啟播，阿澤到訪檳城、怡保、馬六甲等不同地方，享受當地的美食又「享用」美色，當然享用是用雙眼去享用，畢竟大大個田蕊妮在家中會收睇節目嘛。
見到呢張相，真係想唱「馬來亞春色，綠野景緻豔雅...」(圖片：ViuTV提供)
阿澤跟網紅黃潔琪玩自拍幾開心，享盡豔福。(圖片：ViuTV提供)
阿澤在當地享受美食。(圖片：ViuTV提供)
連魚都捉埋，阿澤果然係入鄉隨俗。(圖片：ViuTV提供)
而阿澤今次特別邀請到馬來西亞著名歌手黃明志一齊CROSS-OVER合唱主題曲，又Rap又唱，歌詞入面道盡馬來西亞的美好之餘，也慨嘆香港人嘅悲哀。香港人聽到，真係半滴眼淚流出嚟呀陰公！
歌詞節錄：
「記得多年前喺香港，個個係好疏肝，家下淪陷自由行嗰條路就叫做廣東，啲樓又炒到貴咗，冇諗錯，人人返工為磚頭，一生一世，一聽就濕滯屋企又細。」
「有得走，快啲走，驚契弟永遠走得摩，困喺香港心難過，你想開心就搵我。
你想有，馬拉有，聽厭俗氣『波棵摩科』, 馬拉好玩駛唔多，馬拉多女多帥哥, 最正係我。」
阿澤今次主題曲唱Rap，由黃明志唱，認真夠晒地道。(圖片：ViuTV提供)
相信觀眾們都好期待全新一輯《走佬去馬拉》。(圖片：ViuTV提供)