【聲明】港生活網站並無進行電話推廣活動

VTC青協合辦家長講座 齊齊聽聽子女心聲

發佈時間: 2019/03/05

黛安身邊有唔少姊妹都係在職媽媽,要兼顧工作同家庭生活,其實真係唔容易,尤其係年輕人其實好需要父母陪伴同支持,所以無論幾忙都好,大家都記得要「停一停…聽聽子女的心聲」。

嚟緊職訓局會同香港青年協會合辦一連3場家長講座,分享親子溝通心得、最新升學資訊同埋未來職場新趨勢,幫大家鞏固親子關係,同子女一齊規劃前路,家長們千祈唔好錯過啊!

聽公關姊妹講,3場講座會喺3月23、30、同4月13號呢3個星期六嘅下午舉行,第一場會有演說訓練顧問黃潔慧同埋藝人康子妮,分享同年輕人建立有效溝通嘅心得,改善兩代關係。

第二場講座就請嚟香港輔導教師協會主席曾志滔,分析最新升學資訊,幫大家掌握升學選擇以及各大專院校嘅最新入學要求。

而LinkedIn人才解決方案顧問王俊喬就會喺第三場講座剖析職場新趨勢,教大家點樣緊貼時代步伐、迎接21世紀嘅職場變革。

3場講座都係免費入場,現已接受報名喇,有興趣嘅朋友快啲上http://www.vtc.edu.hk/ero/talk登記啦。

撰文: 黛安 消息特靈八卦公關
欄名: 八卦名利場