T.O.P鴻師傅 推抵食港式早餐

旺角一向都多美食，近來去開T.O.P商場，發現新開咗「鴻師傅」啊！公關姊妹仲話，嚟緊有港式抵食精選早晨套餐連飲品，都係$26起，超抵！

「鴻師傅」係由「阿鴻小吃」嘅黎偉鴻師傅創辦，聽講觀塘分店嘅叉燒煎蛋飯日賣300碗，認真厲害。而家落戶埋旺角區，啱晒一班好似黛安咁為食嘅食家。姊妹話，早晨套餐首推餡料豐富嘅糯米雞配香滑奶茶，如果鍾意西餐嘅，又可以試下叉燒皇配賓尼迪蛋，用鴻師傅嘅招牌叉燒配上蛋黃醬，非常驚喜滋味。仲等？快啲去試下啦！