《愛回家》譚道德全裸獻出熒幕第一次 陳榮峻劇透：會再有新突破

有時不得不佩服《愛．回家之開心速遞》編劇的創意，以為上次崔Auntie（盧苑茵飾演）來到熊家，迫到個個人關係大兜轉，David（湯盈盈飾演）變成樹根（劉丹飾演）的老婆；叔公（豹哥飾演）變成Bonnie（林凱恩飾演）老公已經夠亂...怎料崇尚老子道德正義的譚道德（陳榮峻飾演）一出現，與廢青安仔（周嘉洛飾演）產生出來的火花更加正。繼上集安仔被迫到道德家特訓，頻頻出錯遭暴打之後，最新一集腦洞大開，譚道德全裸出鏡，震撼力衝擊不少觀眾。對於觀眾的支持及讚賞，演員陳榮峻很感激大家，又劇透往後劇情：「再過多10幾集呢，我又有一個突破，反而呢個突破帶俾我幾大壓力」，令人非常期待。

譚道德首次螢幕全裸 揭穿滿口聖賢背後秘密

本來安仔只住在道德家2日，但安仔完全不懂禮節，又非常頑劣，所以道德決定要再特訓他2日，務求把他荼毒到如Bonnie一樣有高風亮節。但中間到底發生甚麼事，令到道德生氣到七竅生煙呢？原來譚道德要求安仔用毛筆抄《道德經》參透經文，但宣紙線裝版《道德經》實在太潦草，難以抄寫，所以安仔就問：「有冇康華少女體呀？（原為華康少女體，是一種中文字體）」。但道德聽錯，以為他問：「有冇康華（女藝人名）少女睇？」，頓時又發上指冠，指著安仔大罵：「你真係係混帳啊金城安，你滿腦子都係淫邪思想！提升道德對你嚟講係刻不容緩！」，聽到安仔都呆晒。「食嘢唔做嘢，做嘢打爛嘢」，最適合用來形容安仔，好好地抄寫經文，卻又倒翻水杯，令古書濕透。安仔竟然好「聰明」地想到將一頁頁紙拆出來晒乾，搞到紙張被吹走散落街上，先師墨寶被當成廢紙支離破碎，道德見到馬上崩潰，激動到頭髮亂了，連聲都沙晒。

{{hket:inline-image name="11.jpg"}}{{/hket:inline-image}}

(TVB電視截圖)

{{hket:inline-image name="12.jpg"}}{{/hket:inline-image}}

(TVB電視截圖)

譚何容儀（吳香倫飾演）為平息老公怨火，叫他先洗澡，稍時休息。洗到中途，譚道德忘記帶衫褲替換，以為家中沒有人，即使全裸走出去也非於禮不合，但正當他直接走出去，安仔竟然做緊直播，於是他的全相就被看光光！這時候背景特意配上藍色多瑙河，配合全裸出鏡，仲有喜劇感！結果條片成為網上熱話，全香港人都看到他全裸，「我譚道德幾十年克己守禮嘅形象一朝俾你破滅，我成世人都未試過咁鬼鬼祟祟。」譚道德終於忍不住大爆發，不顧形象拿著雞毛撢子找他算帳。最慘是原本道德打算回學校直接承認意外，卻被家長窮追猛打，斥責是學校恥辱，要求他辭職。他唯有掩住良心講大話，有違做人要有先祖聖賢的宗旨與教誨。可是，最終被安仔連累，連終身成就獎都沒有機會拿得到。

{{hket:inline-image name="14.jpg"}}{{/hket:inline-image}}

(TVB電視截圖)

{{hket:inline-image name="15.jpg"}}{{/hket:inline-image}}

(TVB電視截圖)

{{hket:inline-image name="16.jpg"}}{{/hket:inline-image}}

(TVB電視截圖)

{{hket:inline-image name="17.jpg"}}{{/hket:inline-image}}

(TVB電視截圖)

{{hket:inline-image name="18.jpg"}}{{/hket:inline-image}}

(TVB電視截圖)

譚道德劇透會再獻出螢幕第一次 

要飾演譚道德不容易，陳榮峻除了要叫句句用真聲破喉嚨，演活鬧爆安仔的生氣模樣，更為這個角色獻出很多螢幕第1次。知道一班觀眾特意留言讚賞，陳榮峻非常感激，又獨家劇透之後的劇情給我們的讀者：「好多謝觀眾鍾意譚道德呢個角色，同埋我好多謝編劇組塑造呢個角色俾我。拍《開心速遞》就好似套劇名咁拍得好開心，雖然呢幾集被激到係咁嗌，但一啲都唔辛苦，起碼唔使通宵。譚道德有幾個突破，好似上次《道德訓練營》同埋《道德後遺症》，我扮幾個嬌俏嘅少女，令到金城安產生誤會而強吻我，呢個係我螢幕初吻嚟㗎！而呢集《廢青再培訓》係另一個突破，我就全裸啦。咁再過多10幾集呢，我又有一個突破，反而呢個突破帶俾我幾大壓力，因為我從來未試過rap歌，好彩有譚何容儀教我數拍子，總算順利完成。我希望觀眾到時都鍾意呢集《香港齊hip hop》，多謝多謝！」

{{hket:inline-image name="112.jpg"}}{{/hket:inline-image}}

(TVB電視截圖)