鄭嘉穎同陳凱琳(Grace)婚後誕下愛兒鄭承悅(Rafael),兩公婆都非常用心照顧小朋友,Grace曾經生產前就踢爆嘉穎未買BB床就先買玩具,預告他絕對會寵壞小朋友。快將50歲的嘉穎終於榮升爸爸,難以掩飾喜悅,他抱住囝囝說:「個個父母都話自己個BB係最得意⋯我終於明啦!」睇到小Rafael的樣貌似足迷你版的自己,難怪他會冧豬到暈。
嘉穎對於太太陳凱琳寵愛有加,成為新一代「愛妻號」。(圖片:鄭嘉穎IG)
嘉穎抱住跟自己「餅印」一樣嘅囝囝,不禁大讚:「好得意!」(圖片:鄭嘉穎IG)
Grace感恩生產過程有老公全程陪住,榮升爸爸的嘉穎仲親手剪臍帶,她說:「佢唔驚,佢好興奮,依家仲爭住幫BB沖涼、換片及餵奶,(呷醋?)唔會,見佢咁錫個仔都好開心,BB實在太得意,好似Daddy,所以嘉穎望住佢好有親切感。」而Grace未坐完月出活動,身為老公難免擔心,但嘉穎都支持太太短暫出關,向大家報平安,實行咩都以太太感受為先,絕對係「寵妻」暖男。
雖然Grace口講不呷醋,但嘉穎點樣可以照顧囝囝之餘,又顧及辛苦10個月懷胎的老婆呢?嘉穎今日榮升爸爸後首次出席活動,當問到佢依家入門口到底攬邊個先?嘉穎說:「老婆先,不過如果個仔喊的話,都要顧一顧小朋友先。不過呢個月我都好少出街,因為我做陪月,呢種陪月叫做陪個老婆坐月。」
(圖片:《晴報》)
(圖片:《晴報》)
嘉穎被囝囝捉緊手指,兩父子關係密不可分。(圖片:鄭嘉穎IG)
小Rafael有爸媽的寵愛,一定非常幸福。(圖片:陳凱琳IG)
陳凱琳日前未坐完月出關工作,獲網民大讚比懷孕前更加靚女。(圖片:陳凱琳IG)