迪士尼復活節港人專享優惠 $1999住探索家度假酒店

香港迪士尼今個春天為大家帶嚟「迪士尼巨星嘉年華」！即日起至6月26號，香港居民盡享食、住、玩酒店優惠，唔使遠遊都可以盡情玩啊！

4月就係復活節啦，迪士尼「開心齊玩復活節」喺4月19至28號舉行，香港居民可於指定期間以1,999元起入住迪士尼探索家度假酒店標準客房1晚，兼送2張「開心齊玩復活節」嘉年華門票、$200酒店餐飲禮券等，預訂第二晚仲有180元折扣。

超人氣嘅「猜猜誰‧尋尋蛋」，超過100隻迪士尼花蛋會遍布樂園同3間酒店，其中包括今年首度登場嘅《反斗奇兵》牧羊女和彈弓狗等，Cookie亦都會以全新花蛋造型示人，非常可愛！

玩完梗係要食番餐好嘅，皇室宴會廳會第一次推出有迪士尼朋友現身嘅自助晚餐，唐老鴨仲會換上皇室新裝同大家見面。黛安已約咗班姐妹一齊去啦！