張衞健驚爆患創傷後遺症 老婆流產弟弟暴斃是人生最痛

孝順仔兼愛妻號張衞健一向待家人最好，把他們放在第1位。17歲張衞健就輟學放棄讀法律夢想，獨力擔起養家責任，照顧在外國讀書的弟弟和被父親拋棄的媽媽。長大後他盡心盡力演戲，除了在娛樂圈建立名聲，成為後輩、觀眾讚佩的演員外，亦努力賺錢讓家人、老婆有個避風港。可是風光背後，張衞健經歷過不少人生最痛，包括老婆流產痛失BB、弟弟突然暴斃、媽媽溺水險死，令他頓時啟悟人生，明白要愛得及時。近年張衞健就不時出席分享會傳揚大愛，繼上次在電台講完媽媽，今次會繼續分享老婆與弟弟的意外對自己有多大打擊，更加於大學講座驚爆自己因此患有創傷後遺症！

{{hket:inline-image name="16.jpg"}}{{/hket:inline-image}}

做完美老公陪老婆克服流產陰影 

相戀19年，張衞健與老婆張茜依然恩愛如昔，幾乎沒有緋聞，是圈中模範夫婦。從工作夥伴，到其後發展異地戀，二人的愛情故事可說是經歷盡高低起跌，當中流產一事絕對是張衞健多年來無法忘懷的痛。事關張衞健一直渴望做爸爸，但可惜老婆於2008年懷胎8個月時不幸小產，他們頓時跌落人生谷底。由於這個打撃太大，老婆一度罹患抑鬱症，張衞健為此心痛不已，同時又很擔心她的情況，於是他決定要陪伴老婆度過這段黑暗日子。

為了幫助老婆，張衞健先停工陪伴老婆克服小產陰霾：「我話俾我自己聽要盡快清醒，盡快離開嗰種陰霾狀態，嗰陣我將所有工作放低，每日陪喺佢身邊。」其次，是哄老婆開心：「可以令到佢笑嘅嘢我就做，好似佢鍾意時裝，我唔理係歐美、日韓都買晒返去；佢睇鍾意睇卡通片就陪佢睇；佢鍾意玩遊戲機就同佢玩。」之後愛妻心切的他又送了北京朝陽豪宅區，面積500呎的愛巢給老婆，更願意為老婆遠離所有女藝人，讓她放心。

{{hket:inline-image name="13.jpg"}}{{/hket:inline-image}}

{{hket:inline-image name="11.jpg"}}{{/hket:inline-image}}

自己屈到患創傷後遺症

雖然表面上張衞健做得好好，但其實他背後受盡壓力，為免家人擔心才自己一個強撐下去。張衞健今日到樹仁大學出席新傳網舉辦的分享講座《從黑暗中找出口》，話題談及「天使花園」安葬流產胎兒的發展，就驚爆自己患病一事，他說：「我當時建議太太寫一封信俾我哋死去嘅BB，寫嘅時候當然係傷心痛苦，但寫完之後，情緒有所舒緩，得到一個正確宣洩嘅渠道。但當時我都忽略咗自己嘅感受，後來太太開心返，反而我有啲唔開心，我相信父母總有奇怪嘅感覺，總係自責係咪自己做錯令BB死咗。我主觀意識係知道自己冇做錯，我知失去BB同我冇關，但潛意識總係自問係咪做錯……導致後來我有潔癖，不停洗手，又不停沖涼，後來先意識到自己唔太正常，喺短時間令自己糾正過來，停止唔正常嘅行為，我相信這呢啲就係創傷後遺症，根本連自己創傷都唔知。」雖然患上情緒病，不過張衞健就話他跟老婆一同經歷生死令關係變得更密切，彼此珍惜和信任，是信仰令他們最終排除萬難。

弟弟暴斃怕媽媽難接受

去到下一個難關又來了，二弟張衛彝去年年頭本來正在浴室沖涼，怎料突然暈倒，最後獨自一人暴斃上水古洞一間獨立屋內，享年50歲，是當警司的細佬上門探望，才發現屍體，震驚娛樂圈。張衞健透露最艱難是要告訴年邁母親，幸好母親能接受及釋懷：「當時我喺泰國玩緊，突然收到呢個惡耗，於是即刻返去，好混亂。身後事都解決到，但最大問題係點講俾我媽聽，話俾佢聽之後佢承唔承受得住...從得知呢個惡耗到然後撳鐘去阿媽屋企同佢講嗰刻，嘩真係好煎熬...」原來因為張老太有高血壓，張衞健唯有輕描淡寫，解釋孤獨一人的弟弟在無病無痛的情況下已回到天主身邊。

{{hket:inline-image name="12.jpg"}}{{/hket:inline-image}}

(大陸新聞截圖)

經歷幾件事，張衞健對人生有更深體會，學懂珍惜與家人、老婆相處的時間，更多謝信仰令他慢慢康復。