入院通波仔 愛妻羅敏莊Po相報平安 陳國邦：已經正常工作

日前羅敏莊（Mimi）在電台節目驚爆丈夫陳國邦剛完成通波仔手術，更透露利用群眾壓力逼對方入院，可幸阿邦已順利完成手術，並於昨日復工。昨午記者聯絡到阿邦，他精神奕奕稱︰「我身體情況好好，已經正常工作啦！」不少網友齊齊送祝福，並叮囑他以後要注意飲食及多做運動！

51歲的陳國邦在娛樂圈打滾多年，一向身體健康。不過，日前他太太羅敏莊在FB發布一張丈夫坐在醫院病床的照片，他左手舉V，樣子有點輕佻歎凍飲，Mimi留言：「維修成功！飲杯！」阿邦好友曹永廉更抵死留言，問他是否患了老人病。

休假入院無礙工作

前日中午，Mimi在其主持的電台節目《Made in Hong Kong》中交代丈夫病情，原來阿邦的心臟出了問題要通波仔，她更踢爆丈夫原本不想做手術，認為食中藥、跑步及飲食清淡便會痊癒。Mimi稱︰「佢年紀大，機器壞，維修一下，我利用群眾壓力，不斷話畀人知佢（阿邦）塞咗（血管）唔去通，朋友畀壓力佢，我用呢個方法逼佢昨日（周二）入廠維修。」

本報記者昨日聯絡到正在浸大教書的阿邦，他中氣十足地回應︰「我依家身體情況好好呀！好好彩，之前都唔係太差嘅，發覺咗呢個問題就早啲處理，我已經正常地工作，喺學校度教書！」

至於他的經理人Simon則透露，阿邦接受身體檢查後，聽從醫生意見入院做手術︰「其實無乜問題，佢一日內已經出院，特登揀不用工作的日子入院處理！」Simon強調阿邦身體狀況正常，而阿邦的六歲囡囡陳禛亦不知道父親入院。然而，很多粉絲仍然非常擔心阿邦，紛紛在網上留言祝他早日康復；並要繼續做一個好爸爸。

撰文︰Steven

協力︰Caro

l編輯︰黃寶恩

美術︰梁政敏