處境劇《愛回家之開心速遞》是皆大歡喜的合家歡時段，不過由於劇本搞笑又出位，在感情線上無啦啦都締造出不少「男男CP」，今集播出池子孝（阮政峰飾）和佐治（張明偉飾）的男男「世紀之吻」，實在令人興奮尖叫，雖然兩人是錯配的畫面，但見他們嘴得肉緊時，好多觀眾都特別截圖留個念。其實這個劇集都營造不少對「男男情侶」，當中都不乏接吻鏡頭，大家就不妨一齊回顧一下《愛回家》的男男Kiss Cam啦！大家心目中最經典又係邊一幕呢？。
１）KC（歐瑞偉飾） 與Terry（李偉健飾）
被形容為《愛回家》中最經典的一吻，KC同Terry的咀嘴戲，亦因此而產生「男男CP」的螢幕情侶。(圖片：電視截圖)
２)金城安 與 譚道德（陳榮峻飾）
安仔誤以為譚道德係Bonnie，獻出男男初吻，也是陳榮峻為劇集獻出的首次螢幕初吻。(圖片：電視截圖)
９) 池子孝（阮政峰飾）與佐治 (張明偉飾)
池子孝同佐治咁樣嘴法，會唔會戲假情真呀？(圖片：電視截圖)
阿孝為了阻止佐治追求熊心如（蘇韻姿飾），不惜扮同性戀跟佐治「拍拖」，兩人在餐廳更公然咀嘴！
呢三幕係咪都為大家留下深刻印象呢？不過阮政峰就將兩人親吻劇照放上社交平台，更搞笑留言說：「香港考試及評核局香港中學文憑考試-數學必修部分試卷一：求二人心理陰影面積？(9marks)」莫非佢呢個男男吻，真係令佢影響心理？
阮政峰在IG搞笑問大家「心理陰影」面積，大家覺得有幾多？(圖片：阮政峰IG)
就《愛回家》的「男男CP」而言，除咗上述幾對之外，其實好多觀眾都話最期待係金城安同朱凌凌這一對，我哋訪問過周嘉洛，佢話：「我同Bonnie繼續都係正常嘅情侶，至於朱凌凌就永遠都係兄弟，我知大家都鍾意『安凌CP』，但要視乎編劇組點寫啦！」
金城安同朱凌凌呢對兄弟情曖昧到不得了。(圖片：電視截圖)
到底兩個往後會唔會有機會有接吻的鏡頭呢？(圖片：電視截圖)