「龔水戀」成定局累曹總失戀 呂慧儀勸退對方：唔好再等我

如果有追開《愛•回家之開心速遞》，相信大家一定對熊若水（呂慧儀飾演）同龔燁（張景淳飾演）呢一對好心急，佢哋拖拖拉拉咗成年，關係一直無進展。尋晚嗰集二人喺白色情人節確立關係，仲要深情地上演定情一吻，搞到勁多觀眾睇到好激動，話終於等到佢地一齊！有睇開《愛•回家之開心速遞》嘅觀眾一定知道，講嘢大陸口音嘅曹總苦戀熊若水，次次見得佢就興奮叫「水水～」咁衝過去。不過若水經常拒絕曹總，搞到尋晚熊若水同龔燁上演完定情一吻，亦有好多《愛回家》粉絲擔心曹總受唔住失戀嘅沉重打擊。

{{hket:inline-image name="1533200472343051ppq888s.jpg"}}{{/hket:inline-image}}

{{hket:inline-image name="24_600.jpg"}}{{/hket:inline-image}}

（TVB電視截圖）

而曹總又點會咁輕易放棄，今日呂慧儀於社交網絡上傳咗一段被曹總苦苦痴纏嘅影片。曹總一見到呂慧儀就好興奮咁講：「水水～我終於等到你啦！」反而係呂慧儀見到曹總嚇一跳，急忙雙手護胸：「你有無睇尋晚嗰集㗎？你唔好再等我啦曹總，你不如上網重睇返尋晚嘅片段，loop多幾次清醒下！Bye！」呂慧儀最後仲要輕輕搭一吓曹總肩膊，之後急急腳走咗去，留下傷心嘅曹總。

{{hket:inline-image name="rrrrr.jpg"}}{{/hket:inline-image}}

（呂慧儀IG影片截圖）

{{hket:inline-image name="rrrrw.jpg"}}{{/hket:inline-image}}

（呂慧儀IG影片截圖）

網民睇完影片覺得好好笑，紛紛喺下面留言安慰曹總：「Isabella都有好多姊妹可以介紹俾佢」、「其實曹總同群姐都幾襯！」「曹總，初戀café留左碗痛心酸辣粉俾你」、「曹總真係好痴情，唔好傷心！」

{{hket:inline-image name="02a4f5d8-7a42-4e69-87b3-21014094927c.jpg"}}{{/hket:inline-image}}

(曹總不時上傳同「水水」合照，曹總IG截圖）

曹總真係一個好專情嘅男人，早前佢為咗若水，特地學玩Instagram，仲只係追蹤呂慧儀一人，實行話比大家知佢眼中只有「水水」一個，旁人佢乜都睇唔到。曹總又不上傳佢同呂慧儀嘅合照，睇得岀真係好鍾意佢，希望曹總唔好傷心太耐，又或者大家集氣叫《愛回家》編劇幫曹總相睇，等佢唔洗咁孤獨啦！

{{hket:inline-image name="hh.jpg"}}{{/hket:inline-image}}

（曹總只追蹤「水水」一人，曹總IG截圖）

{{hket:inline-image name="83c46a13-bbc0-41cf-ba3c-904562ede018.jpg"}}{{/hket:inline-image}}

(曹總IG截圖）