鄭嘉穎被囝囝「斟茶」照冧爆

鄭嘉穎、林峯及林家棟等昨日宣傳電影《P風暴》，嘉穎在片中有不少動作戲，問他現在有家室會否比以前更錫身？他說︰「自己做咗爸爸都唔會多咗考慮，老婆（陳凱琳）都係演員好明白呢樣嘢。」

提到剛滿月的囝囝鄭承悅（Rafael），開工時會否心掛掛？他笑說︰「掛㗎，佢每兩個零鐘就叫人，照顧佢要好有耐性同愛心。」他又笑言餵奶、掃風、換片統統做過︰「我覺得掃風最難，因為佢唔會坐定定。」他自爆囝囝換片時請他「飲茶」︰「我已經企喺側邊同佢玩緊，由陪月幫手換，佢都打側射，咁樣都中，暖嘅，佢好嘢。」