黎明倒轉急口令推廣創作

一連四日的香港影視娛樂博覽（FILMART）昨天舉行啟動儀式，由財政司司長陳茂波、香港貿發局影視娛樂業諮詢委員會主席林建岳及香港影視娛樂大使黎明（Leon）一同主持。早前Leon為大會拍攝宣傳短片，片中他以倒轉急口令介紹各項活動，並以口號「想你倒轉都背得返」作結。

提到大灣區發展在娛樂界有何商機，Leon說︰「喺香港搵嘢做，通常搵同區同講廣東話嘅地方，而大部分大灣區嘅人都識聽識講廣東話同普通話，如果可以溝通，唔同地方會帶嚟唔同靈感，相信對年輕人係一個好嘅起步。香港咁細，係時候互相交流，產生更多機會畀年輕人創業，包括網上、幕後、電影音樂嘅朋友，做得好，商機自然會搵你。」