喺《愛．回家之開心速遞》入面飾演「初戀Café」侍應嘅李泳豪（豪仔），喺現實中唔止係一個小侍應，近年Part住爸爸同阿哥進軍飲食界，齊齊做老細經營飲食王國。
老竇撐！
左起：爸爸李家鼎、李泳豪、孖生哥哥李泳漢與媽媽施明
早前深夜重播電視劇《義不容情》，當年嘅豪仔飾演藍潔瑛囝囝，當年只有8歲嘅佢演喊戲好似開水喉一樣，話嚟就嚟，睇到觀眾大嗌心悒。豪仔都終於一吐烏氣，觀眾終於知道自己係識做戲。
《義不容情》演技大獲好評。
童星出身38歲嘅李泳豪屋企係演藝世家，媽媽施明係演員，爸爸李家鼎係武指，近年仲因為主持飲食節目而聲名大噪。相比起父母，李泳豪名氣似乎稍遜，一直都只係做一啲行行企企嘅角色，喺演藝圈一直載浮載沉，不過佢都冇洩氣：「我唔係想攞獎同大紅大紫，只係想觀眾肯定」。
{{hket:inline-image name="3_n.jpg"}}{{/hket:inline-image}}
豪仔同楊思琦拍拖9年
講起豪仔唔多唔少都會聯想起佢當年同楊思琦轟動全城嘅一段情。2011年同豪仔拍拖9年嘅楊思琦突然單方面宣布分手，當時有媒體指係楊思琦另結新歡，後來仲引發楊思琦同豪仔家人隔空互數。不過豪仔自己就絕大部分時間都選擇封口，分手不出惡言。
豪仔喺日本日日都食拉麵~
所以萌生喺香港開拉都店嘅念頭。
演藝事業發展不如理想，感情又遭受挫折，豪仔選擇寄情飲食事業，上年佢投資燒牛肉立食店，今年又再同哥哥合資搞拉麵店，講到楊思琦近日推出新歌時講到昔日同佢嘅一段情，佢都一概唔回應。感情生活持續交白卷，屋企人比佢更加心急：「我冇時間拍拖！雖然老竇都有催，我話順其自然先，自己唔心急，想打好個底。」
{{hket:inline-image name="66f278f8gy1g01tgcsryuj221q2zzx6p.jpg"}}{{/hket:inline-image}}
湊阿哥個B一樣咁滿足。