袁彩雲爆兒時夢想係歌手 年過「不惑」保持靚樣小秘訣

43歲袁彩雲嫁到加拿大後便淡岀娛樂圈，專心相夫教女，觀眾亦很久未見到她在鏡頭面前岀現。近日她難得回港，在TVB節目《流行經典50年》中以低胸晚裝亮相，獻唱鄭秀文《值得》，表現相當有水準，觀眾更大讚和專業歌手有得一比，她得知網民喜歡自己演岀亦很高興，更大爆表演前緊張到失眠：「嗰朝我4點幾就醒咗，之後一路練歌，我無乜食嘢，不過個胃勁痛，後來發現係因為我個人潛意識太緊張。」不過袁彩雲的努力無白費，演出真的是令人喜岀望外，非常成功，更有網民看完節目叫她復岀做歌手！

{{hket:inline-image name="yyyyh.jpg"}}{{/hket:inline-image}}

（TVB電視截圖）

{{hket:inline-image name="ds.jpg"}}{{/hket:inline-image}}

（TVB電視截圖）

袁彩雲接受《晴報》專訪時稱：「細細個真係諗過做歌手，而家都算圓咗我嘅夢想，不過都暫時無打算復岀做歌手。」相比起做歌手，袁彩雲更有興趣在網上教人煮餸，她説：「喺加拿大我日日都會親自下廚煮餸比屋企人食，佢哋好欣賞我嘅菜色，唔係好花巧，不過都保留咗食材原汁原味，全部都係我奶奶教我嘅潮州菜式。有機會我都想係網上教人煮餸，或者介紹唔同地方嘅美食。」現時流行網絡紅人的現象，莫非袁彩雲想成為一位美食界YouTuber？

{{hket:inline-image name="67e08ab8gy1fwk9qb2mcbj21hn1zke81.jpg"}}{{/hket:inline-image}}

(袁彩雲微博圖片)

袁彩雲於1996年獲得港姐季軍及國際親善小姐，其後在TVB拍劇和做主持，因為經常主持旅遊和飲食節目，建立了她作為食家和烹飪專家的形象。2009年袁彩雲與加拿大籍圈外男友Anthony Kong結婚，不久之後移民加拿大定居，婚後袁彩雲專心照顧家庭，有女萬事足，5歲大的囡囡Alycia遺傳媽咪的好基因，人仔細細已是美人胚子，五官精緻，相信大個之後跟袁彩雲一樣是個美女。兩母女一直感情要好，更不時孖公仔般暢遊外地，早前曾到意大利及回家鄉德國，生活非常寫意，袁彩雲亦有上傳溫馨親子照到社交網絡。

{{hket:inline-image name="iui.jpg"}}{{/hket:inline-image}}

(袁彩雲微博圖片)

{{hket:inline-image name="67e08ab8ly1g0bhvl4b7jj21hn1zk1l1.jpg"}}{{/hket:inline-image}}

(袁彩雲微博圖片)

現年43歲的袁彩雲保養得宜，於節目上看來皮膚非常光滑細緻，還是跟選港姐時期一樣漂亮，問到她有什麼保養心得，她説：「喺加拿大生活無咩壓力，最重要係休息得夠，我個女好鍾意同我訓，慢慢變咗我每晚9點幾就上床瞓覺，早上6點幾就起身，作息好定時。每日送完個女返學，我都會去做運動，做瑜伽、跳森巴舞，我仲搵咗個俄羅斯教練幫我做訓練。」袁彩雲更透露自己最愛飲湯，飲食亦非常清淡，最常吃沙律，亦很少飲咖啡和茶，外岀更會自備水樽裝黑豆水、綠茶和杞子紅棗茶等飲品，很少飲街外的飲料，環保得來又健康。袁彩雲日常作息定時，生活健康，難怪保養得宜，美貌依舊！

{{hket:inline-image name="67e08ab8ly1g07xg8kcfbj215e1o24jw.jpg"}}{{/hket:inline-image}}

(袁彩雲微博圖片)