鼎爺捱窮供養前妻孖仔：「窮都要對得住天地良心」

龍虎武師岀身嘅「鼎爺」李家鼎，武夫形象深入民心，近年佢憑主持《阿爺廚房》成功吸納一班師奶觀眾，節目長拍長有。而家個個都知鼎爺打得又煮得，佢更憑《阿爺廚房》人氣急升，接廣告又開餐廳，事業迎來另一高峰。不過現時春風得意嘅鼎爺，其實都試過捱窮嘅苦日子，近日佢上TVB節目《快樂中年》，大爆2004年一段艱難日子。

{{hket:inline-image name="15822607_370324553320172_6111251211236137111_n.jpg"}}{{/hket:inline-image}}

（李家鼎FB圖片)

當時鼎爺同施明已經離咗婚，咁啱遇上公司減人工，佢既要畀贍養費，又要照顧兩個仔，唯有喺自己身上慳錢：「嗰陣我買$20雞翼分六日食，買羅非魚半條要食六餐。我平時唔鍾意食蒸咸魚，但嗰時非常時期，有時一舊咸魚同白飯，咁又一餐。」

{{hket:inline-image name="sssss.jpg"}}{{/hket:inline-image}}

（TVB電視截圖）

{{hket:inline-image name="dddd.jpg"}}{{/hket:inline-image}}

（TVB電視截圖）

其實鼎爺當年，可謂錫施明錫到燶，二人於1977年結婚，婚後誕下孖仔李泳漢同李泳豪，一家四口樂也融融。可惜不久後因性格不合。令感情轉淡，導致於1994年離婚。鼎爺不捨呢段感情，離婚後多次提岀復合，但亦遭施明拒絕。而鼎爺多年來一直堅持負起丈夫與爸爸的責任，就算最窮最艱難時刻，都盡力畀最好嘅物質生活佢哋：「離婚咁多年，我都會畀錢施明，我最多盡量慳，兩個仔細個就畀多啲，因為我係老竇。」就算捱幾辛苦都好，鼎爺都記住師傅嘅一句説話，「屋有米有鹽有咸魚就夠，做人千萬唔好做壞事，就算窮，都要對得住天地良心。」鼎爺為人頂天立地、光明磊落，而且喺感情路上亦非常負責任！

{{hket:inline-image name="614864.jpg"}}{{/hket:inline-image}}

（網上圖片）

{{hket:inline-image name="28ec1p10.jpg"}}{{/hket:inline-image}}

（網上圖片）

就算而家鼎爺事業得意，人氣爆發，佢為人嘅宗旨都無變過，依舊非常謙虛：「其實多咗人識我，我都無咩特別感覺，做人一定要謙虛，唔可以囂張、自滿，我屋企人都話：『鼎爺除咗攞刀教煮餸，仲教埋做人』。」睇鼎爺嘅節目仲學到好多人生道理，難怪佢咁受觀眾喜愛。

{{hket:inline-image name="dda.jpg"}}{{/hket:inline-image}}

（TVB電視截圖）