童星出身嘅鄧一君同古天樂曾經合作拍攝多部電視劇，包括《美味天王》、《烈火雄心》及《尋秦記》等。雖然鄧一君已經淡出娛樂圈多時，但古天樂並冇因為二人嘅知名度懸殊而同對方疏遠。
《尋秦記》截圖
鄧一君今年投資40萬經營車仔麵店做老闆，佢開店時並冇通知古天樂，但古天樂一收到消息就主動聯絡鄧一君，仲不停恭喜佢成為老闆。古天樂當時話嗰期比較忙，會抽時間去佢嘅舖頭試食。
{{hket:inline-image name="54268163_2444543235570078_4475686518949675008_n.jpg"}}{{/hket:inline-image}}
鄧一君facebook
尋日牙齒當金使嘅古天樂就找數，踩落鄧一君舖頭「聚舊」！鄧一君喺自己嘅社交網Post咗一張同古天樂喺舖頭門口嘅合照，不過舖頭嘅地段平日有唔少街坊同遊客經過，為免引起混亂，鄧一君之後就招呼古天樂入舖內用膳。呢個Post一出，一眾網民即刻超大迴響，大部分留言都大讚古天樂有情有義，仲勾起大家嘅集體回憶，叫當年都有分拍《尋秦記》嘅鄧一君客串電影版！
雖然今次古天樂唔係資助老友開舖，不過以古天樂今時今日嘅知名度，佢咁樣亮一亮相收到嘅宣傳效果真係幾乎有錢都買唔到！
古天樂出咗名係娛樂圈嘅「義氣仔女」加有愛心，唔單止係朋友，甚至泛泛之交同素未謀面嘅人都幫得就幫！
援助病重李兆基
專演惡人現年69歲嘅資深演員李兆基，入行前曾是黑道中人嘅佢演黑道中人為主。近年李兆基確診患上肝癌，基哥最初公開自己的病情時，表示想放棄。去年11月接受傳媒訪問時更見佢行動緩慢要靠拐杖做輔助，亦消瘦不少。惟最近在親友鼓勵之下，決定改變初衷，最後成功切除腫瘤，其好友兼昔日「大佬」陳慎芝向傳媒透露基哥康復理想唔需要化療，亦感謝慈雲山街坊同朋友，特別係古天樂同佢嘅助手。
李兆基2013年健康開始走下坡。
{{hket:inline-image name="1908405611672802118.jpg"}}{{/hket:inline-image}}
李兆基
二話不說畀錢助負債吳志雄
人稱B哥嘅吳志雄1999年投資失利，一年多就蝕咗幾乎一億，當年古天樂為佢還咗一筆巨債，近年吳志雄亦曾公開多謝古天樂喺佢最困難時一直支持佢，指當時身邊冇「兄弟」願意幫佢，係古天樂主動聯絡無條件協助。
{{hket:inline-image name="bkn-20170913000112738-0913_00862_001_05b.jpg"}}{{/hket:inline-image}}
吳志雄（左）與古天樂
幫盧海鵬墊支廿萬手術費
資深傳媒人汪曼玲爆盧海鵬有一次覆診糖尿病時，因為察覺有異常而做MRI，發現一條血管有9成阻塞，鵬哥拖足一個月都唔想做手術。古天樂同杜琪峯約盧海鵬食飯，不斷勸佢入院，又表示毋須擔心錢銀問題，於是鵬哥終於去養和醫院完成通波仔手術，住6人房埋單廿幾萬，原來係古天樂幫手先找數，鵬哥再搞保險賠償。事後盧海鵬指同古天樂只係泛泛之交都尚且如此。
汪曼玲Facebook
{{hket:inline-image name="f440a9bfd48449b99ed3d5851ca836e1.jpeg"}}{{/hket:inline-image}}
汪曼玲與古天樂
{{hket:inline-image name="7.jpg"}}{{/hket:inline-image}}
盧海鵬（右下）指自己同古天樂（上排中）只係泛泛之交。
建過百間希望小學
古天樂喺內地出錢起咗過百間希望小學，仲會專門派人監督工程，務求建築物夠安全穩陣。佢仲會秘密探訪學生，內地形容佢係一個低調嘅慈善家。
截至2017年古天樂已經起咗98間學校。
{{hket:inline-image name="uU3SwrHg1wW9xAg5A85j_0dW9osJpM9kL-H6Ty_h-k8.jpg"}}{{/hket:inline-image}}