化身迷妹 Do姐孖陸永囡囡捧BTS

紅爆國際的韓國男團防彈少年團（BTS）前晚在亞洲博覽館舉行一連四場演唱會，向來是BTS成員金泰亨（V）粉絲的鄭裕玲（Do姐），一早撲好飛欣賞個唱，更邀請陸永的七歲女兒Hannah一齊睇騷！陸永夫婦前晚駕車送囡囡去場館，由Do姐帶領入場，無份睇騷的陸永與老婆自拍放上網笑說：「兩位少女心梗係約埋入去睇BTS啦！一對中坑父母梗係喺場館外面等啦。」除了Do姐外，金泰亨老友朴寶劍，前晚亦現身捧場，被不少現場觀眾認出。

BTS前晚勁歌熱舞，獻唱《FAKE LOVE》、《FIRE》等多首大熱作，Do姐昨日在電台節目《口水多過浪花》中，亦多番大讚個唱精采，絕無冷場。